Лінкі ўнівэрсальнага доступу

Беларусь адмяніла забарону на ўезд украінскаму пісьменьніку Жадану


Сяргей Жадан
Сяргей Жадан

Беларусь анулявала ўкраінскаму пісьменьніку і паэту Сяргею Жадану забарону на ўезд у краіну. Рашэньне было прынятае цягам некалькіх гадзін.

«Тое, што пытанне пазытыўна вырашылася, гэта добрае сьведчаньне, што супярэчаньняў паміж намі няма. Вельмі разьлічваю на тое, што гэта не тэндэнцыя, а выпадак», — распавёў Свабодзе Сяргей Жадан.

Раніцай стала вядома, што ўкраінскаму пісьменьніку Сяргею Жадану паставілі штамп у пашпарт аб забароне на ўезд у Беларусь на нявызначаны тэрмін. У нумар гатэлю ў Менску каля дзьвюх гадзін ночы да яго ўварваўся міліцэйскі патруль. Нічога не тлумачачы, міліцыянты даставілі Сяргея Жадана ў пастарунак, потым павезьлі ў Ленінскі РУУС.

Сяргей Жадан распавёў Свабодзе, што ў 2015-м годзе яму быў забаронены ўезд на тэрыторыю Расейскай Фэдэрацыі з фармулёўкай «за датычнасьць да тэрарыстычнай дзейнасьці». Забарона аўтаматычна пераходзіць і да Беларусі з Казахстанам.

Хоць Жадану анулявалі забарону ўяжджаць у Беларусь, ён усё адно зьехаў у ноч на 12 лютага зь Менску ў Кіеў, як гэта плянаваў яшчэ да свайго затрыманьня. У інтэрвію Свабодзе перад сваім ад’ездам Жадан сказаў, што цяпер ён будзе вымушаны прыяжджаць у Беларусь:

«Я цяпер проста вымушаны сюды прыяжджаць, – сказаў Жадан Свабодзе. – Мы зараз будзем рыхтаваць канцэрт з музыкамі [гурту] „Сабакі ў космасе“. У траўні мы дас вернемся».​

Сяргей Жадан: У траўні мы да вас вернемcя. Фота ад'езду ў Кіеў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG