Лінкі ўнівэрсальнага доступу

Украіна гатовая рэагаваць на пагрозу ўварваньня Расеі ў час вучэньняў «Захад-2017» — міністар абароны Палтарак


Міністар абароны Ўкраіны Сьцяпан Палтрак
Міністар абароны Ўкраіны Сьцяпан Палтрак

Міністар абароны Ўкраіны Сьцяпан Палтрак заявіў, што Генэральны штаб Узброеных сілаў Украіны прадугледзеў меры на выпадак пагрозы ўварваньня войскаў Расейскай Фэдэрацыі ў час расейска-беларускіх вучэньняў «Захад 2017», перадае УНІАН.

«Мы адсочваем сытуацыю, — казаў Палтарак. — Мы ведаем аб усіх рухах расейскіх войскаў да нашай мяжы. Мы разумеем, што пагрозы могуць паўстаць, і мы будзем рэагаваць адэкватна на тыя пагрозы, якія ёсьць, і якія нясуць сабой тыя вучэньні».

Таксама Палтарак заявіў, што «ўсё, што адбываецца на мяжы з Украінай», расцэньваецца як пагроза для Ўкраіны. Раней Палтарак ня раз казаў, што вучэньні «Захад-2017» могуць быць выкарыстаныя, каб пачаць агрэсію супраць Украіны ці каб учыніць правакацыі супраць Украіны.

Раней прадстаўнікі ўсіх суседзяў Беларусі, акрамя Расеі, выказвалі занепакоенасьць наконт вучэньняў «Захад». У прыватнасьці, трывогу выклікала тое, што расейскія войскі могуць пасьля вучэньняў застацца ў Беларусі.

Тры выдуманыя краіны і 13 тысяч вайскоўцаў. Галоўнае пра вучэньні «Захад-2017»

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG