Лінкі ўнівэрсальнага доступу

Лукашэнка дазволіў студэнтам быць вальнадумнымі, а міністру інфармацыі забараніў памыляцца


Аляксандар Лукашэнка, архіўнае фота

Аляксандар Лукашэнка 28 верасьня зьмяніў міністраў інфармацыі і культуры, а таксама прызначыў чатырох рэктараў унівэрсытэтаў.

Падчас абвяшчэньня новых рэктараў Лукашэнка сказаў, што ён ня супраць «вальнадумства» студэнтаў.

«Студэнты — вальнадумцы, — заявіў Лукашэнка. — Мы самі такімі былі. Ня ведаю, як вы, а я дык дакладна. Таму ня трэба ў іх гэтую жылку і струнку душыць. Але іх трэба выхоўваць патрыётамі нашай краіны, каб не атрымалася так, што мы трацім тут грошы на іхнае выхаваньне, а заўтра яны завярнуліся, працуюць невядома дзе і толку ад гэтага краіне няма».

Раней студэнтаў ня раз каралі адлічэньнем акурат за вальнадумства.

Марш студэнтаў супраць платных пераздач. Відэарэпартаж
пачакайце

No media source currently available

0:00 0:03:11 0:00
Наўпроставы лінк

Лукашэнка таксама сказаў, што зайздросьціць рэктарам ВНУ, бо «гэта самая цудоўная пасада для чалавека», але папярэдзіў рэктараў, што ў іх не павінна быць «карупцыйных праяваў» кшталту «сяброў у пляне „я зраблю табе, ты мне“».

Новага міністра інфармацыі Аляксандра Карлюкевіча, які заняў пасаду Ліліі Ананіч, Лукашэнка загадзя абвінаваціў у магчымых недахопах міністэрства:

«Права на памылку ў вас няма. Горш працаваць у Міністэрстве інфармацыі мы не павінны. Калі там ёсьць нейкія недахопы, гэта і ваша віна: вы ня простым чалавекам там былі, а працавалі намесьнікам».

Ананіч жа ён ня стаў выстаўляць «нейкія надзвычайныя прэтэнзіі» і папрасіў у Карлюкевіча прапанаваць, куды працаўладкаваць былую начальніцу.

Ваша меркаваньне

Паказаць камэнтары

XS
SM
MD
LG