Лінкі ўнівэрсальнага доступу

Лукашэнка не абвясьціў рэфэрэндум праз пагрозу «армянскага сцэнару» ў Беларусі, — Статкевіч


Мікола Статкевіч, архіўнае фота
Мікола Статкевіч, архіўнае фота

Мікола Статкевіч, адзін зь лідэраў Беларускага нацыянальнага кангрэсу, мяркуе, што Аляксандар Лукашэнка прынамсі часова адмовіўся ад плянаў па зьмене Канстытуцыі праз рэфэрэндум пасьля падзеяў у Армэніі.

«Я вельмі ўсьцешаны, што спадар Лукашэнка кардынальна памяняў свае пляны і не наважыўся абвяшчаць рэфэрэндум, — кажа Мікола Статкевіч Свабодзе. — Я думаю, гэта ў меншай ступені заслуга Рады БНК, якая заявіла пра рашучасьць узначаліць пратэсты супраць рэфэрэндуму, а ў большай ступені заслуга армянскага народу, які паказаў, што бывае ў такіх выпадках, і даў прыклад беларускаму народу».

Найперш Статкевіч удакладняе: учорашняя заява БНК не была ягоным асабістым прагнозам, а менавіта ўхваленым радай руху папярэджаньнем — аб плянах Лукашэнкі па рэфэрэндуме і аб гатоўнасьці БНК да пратэстаў.

Пратэстоўцы на плошчы ў Ерэване — відэа з дрона
пачакайце

No media source currently available

0:00 0:01:12 0:00

Паводле той заявы, «з розных крыніц», у тым ліку ва ўладзе, стала вядома, што Аляксандар Лукашэнка мае намер вынесьці на рэфэрэндум пытаньні аб падаўжэньні прэзыдэнцкага тэрміну да 7 гадоў (і, адпаведна, «перазапуск» прэзыдэнцкіх тэрмінаў) і скасаваньня сьмяротнага пакараньня (у якасьці «дымавой заслоны» да першага пытаньня).

Але ўжо ўвечары — пасьля зыходу з пасады прэм’ера Армэніі — Статкевіч казаў «Белсату», што прыклад армянскіх пратэстаў спыніць Лукашэнку.

Яшчэ не канец. Лідэр пратэсту ў Армэніі агучыў далейшы плян апазыцыі

Статкевіч мяркуе, што калі б рэфэрэндум быў абвешчаны, вынікі маглі б ператварыць Беларусь з «імітацыйнай дэмакратыі ў манархію» і «запусьціць непрадказальныя працэсы ў грамадзтве і вакол краіны». Ён адзначае, што пратэсты ў Армэніі былі ня супраць зьмены сыстэмы ўлады з прэзыдэнцкай на парлямэнцкую, а праз «гэты фінт», калі былы прэзыдэнт меў стаць прэм’ерам з амаль тымі самымі паўнамоцтвамі.

Такая «правакацыя супраць грамадзтва» абурыла армянаў — і такой самай «калясальнай правакацыяй» маглі бы стаць у Беларусі намеры Лукашэнкі падоўжыць свае паўнамоцтвы і «абнуліць» прэзыдэнцкі тэрмін.

Рэфэрэндум у Беларусі падняў бы пратэстныя настроі да «нязьведаных намі велічыняў», мяркуе Статкевіч, але Лукашэнка да армянскіх падзеяў спадзяваўся, што «апазыцыя ўзятая пад кантроль» і што рэфэрэндум атрымаецца правесьці без пратэстаў.

«А то будзе, як у Армэніі». Што Лукашэнка казаў пра армянскую «аксамітную рэвалюцыю»

Цяперашняя «перамога без барацьбы» — толькі праз рашучасьць да пратэсту і прыклад Армэніі — толькі лякальная, дадае ён: «не дапусьцілі яшчэ большага пагаршэньня сытуацыі». Ды й да ідэі рэфэрэндуму Лукашэнка можа вярнуцца празь нейкі час.

Цяпер, кажа Статкевіч, трэба «быць пільнымі» і працаваць над паляпшэньнем сытуацыі празь мірны негвалтоўны ціск — «стратэгіі, што перамагла ў Армэніі».

Ледзяная вайна і нашая віна ў армянскай рэвалюцыі: 15 цытатаў Лукашэнкі са звароту да дэпутатаў і народу

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG