Лінкі ўнівэрсальнага доступу

У пратэстах у Каталёніі пацярпелі больш за 90 пратэстоўцаў, арыштавана ня менш за 4


Пратэст у Барсэлёне, 25 сакавіка

Масавыя пратэсты супраць затрыманьня былога кіраўніка аўтаномнай Каталёніі ў складзе Гішпаніі Карлеса Пудждэмона прайшлі ў некалькіх гарадах рэгіёну 25 сакавіка. Былога кіраўніка Каталёніі маюць судзіць 26 сакавіка ў Нямеччыне, дзе ён быў затрыманы днём раней — Гішпанія абвяcьціла яго ў міжнародны вышук.

Паводле зьвестак Deutche Welle, у пратэстах у Барсэлёне ўзялі ўдзел больш як 50 тысяч чалавек. Мітынгоўцы сабраліся пад будынкам Эўракамісіі, рушылі да генэральнага консульства Нямеччыны, там пачаліся сутыкненьні з паліцыяй — пратэстоўцы сталі закідваць паліцыянтаў падручнымі прадметамі. У сутыкненьнях пацярпелі 92 дэманстранты і 23 паліцыянты, ня менш за чатыры пратэстоўцы затрыманыя.

Паводле каталёнскіх СМІ, пратэсты адбыліся ў іншых гарадах, у прыватнасьці, у Льедзе пацярпелі ад 6 да 8 чалавек.

Яшчэ тры лідэры каталёнскіх сэпаратыстаў тым часам затрыманыя ў Нямеччыне, гішпанскія суды будуць судзіць яшчэ 25 каталёнскіх лідэраў за непадпарадкаваньне цэнтральным уладам, піша Reuters. Масавыя пратэсты супраць гэтага праходзілі яшчэ 23 сакавіка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG