Затрыманая група назіральнікаў «Вясны»
Тым часам у Віцебску і Воршы
Затрыманы жыхар Віцебску Мікола Качурэц, які выйшаў да помніка князю Альгерду зь бел-чырвона-белым сьцягам. Зараз ён знаходзіцца ў Кастрычнікі РАУС.
Аршанскі актывіст Генадзь Шэпелеў фатаграфаваўся з бел-чырвона-белым сьцягам каля помніка Караткевучу ў Воршы. Да яго падышлі міліцыянты і перапісалі асабістыя дадзеныя. Потым патэлефанавалі і загадалі зьявіцца ў пастарунак па месцы жыхарства — у Барані.
Віцяблянін Уладзімер Булаўскі паведаміў у Фэйсбуку, што дваіх віцебскіх школьнікаў, якія паехалі ў Менск на сьвяточныя імпрэзы, паставілі на ўлік у інспэкцыю па справах непаўналетніх.
Тым часам на Майдане
Беларусы Ўкраіны зьбіраюцца на сьвяточны мітынг на плошчы Незалежнасьці ў Кіеве.
Паводле «Вясны», у Менску затрыманыя:
Каля ЦУМа: Валянцін Троцкі, Рыгор Пагарцаў, Фурс. На плошчы Якуба Коласа: назіральнікі Максім Кавалёў, Тацяна Мастыкіна, Андрусь Крэчка, Ганна Саханкова, Наста Лойка (магчыма, таксама Зьміцер Салаўёў); журналісты Кацярына Андрэева і Сяргей Кавалёў, актывісты Сяргей Спарыш, Алена Талстая, Андрэй Пракаповіч, Вольга Мікалайчык. Агулам — ад 30 да 50 чалавек.
Мітынгі-канцэрт санкцыянаваныя ў Берасьці, Горадні, яшчэ дзясятку гарадоў Беларусі
Сьвяточныя сэлфі ў аўтазаку
«Белсатаўца» Козела выпусьцілі
Затрыманы сын аналітыка Свабоды
Зьбіраліся затрымаць і Віталя Цыганкова, нягледзячы на акрэдытацыю, але пасьля таго, як журналісты зьвярнулі на гэта ўвагу, яго ня сталі забіраць.
Выбачаемся за кепскую якасьць карцінкі ў трансьляцыі. Праблемы з сувязьзю ня толькі ў нас:
Віншаваньне з #БНР100 ад паэткі з Гішпаніі
У Менску пачынаецца дазволены мітынг-канцэрт. А ў Савецкім РУУС затрыманыя з забароненага мітынгу на плошчы Якуба Коласа
Навіны з рэгіёнаў
Тым часам на Майдане
У Кіеве працягваецца сьвяточны мітынг да #БНР100
Абноўлена: канцэрт у Слуцку ідзе, апаратуру не затрымалі
Алесь Лагвінец паведаміў, што ў Слуцку затрыманы актывіст Аляксандр Залатар. Ён затрыманы перад санкцыянаваным канцэртам, міліцыя спыніла кіроўцу дзеля праверкі дакумэнтаў нібыта на прадмет «угону аўтамабіля». Пасьля гэтага яго даставілі ў аддзяленьне міліцыі, сувязь зь ім страчана.
Канцэрт у Слуцку адбываецца паводле ўзгодненага фармату, хоць вывесіць банэр так і не дазволілі.
Сыноптыкі не адгадалі
У Менску на дзень 25 сакавіка абяцалі воблачнае надвор’е. На момант публікацыі сьвеціць сонца.