Лінкі ўнівэрсальнага доступу

Падарунак ад Свабоды на Дзень Волі: спампуйце кнігу «Падарожжа ў БНР» Сяргея Шупы


20 сакавіка ў Менску прэзэнтавалі новае выданьне ў сэрыі «Бібліятэка Свабоды. ХХІ стагодзьдзе» — грунтоўнае дасьледаваньне пад назвай «Падарожжа ў БНР» (PDF) журналіста Радыё Свабода Сяргея Шупы.

Гэта «архіўны раман», як назваў яго рэдактар кнігі Аляксандар Лукашук, ці «гісторыя для чайнікаў» — вызначэньне самаго аўтара.

Кніга ўяўляе сабой дасьціпны і ўпарадкаваны паказ у гістарычным кантэксьце арыгінальных дакумэнтаў і матэрыялаў, якія захоўваюцца ў фондах БНР у архівах Менску і Вільні. Яна занадта маляўнічая, каб быць гістарычнай манаграфіяй, і занадта стрыманая ў аўтаравай фантазіі, каб быць літаратурным творам, адсюль і жанр — «архіўны раман». На яе старонках у трох сотнях кароткіх фрагмэнтаў апісваецца ўзьнікненьне цуду, які адбыўся 100 гадоў таму, — незалежнай Беларусі.

Спампаваць кнігу>>>

«Я перабраў тысячы дакумэнтаў, што захоўваюцца ў менскіх і віленскіх архівах, перачытаў мноства тагачасных газэт Беларусі і навакольных краінаў, — кажа Сяргей Шупа. — 20 гадоў таму прадуктам такой апантанасьці сталі дзьве кнігі „Архіваў БНР“. Гэта трошкі адпусьціла, думалася: ну вось, дакумэнты назьбіраліся, яшчэ выйдзе такі самы том зь менскай часткай — і пачне зьяўляцца нейкі новы творчы плён. Навукоўцы не падвялі — зьяўляецца нямала новых працаў. А вось папулярнай літаратуры не відаць. Дык вырашыў сесьці і пераказаць усё простымі словамі — тым, каму цікава і хто ня мае часу вышукваць залацінкі ў моры дакумэнтальнага матэрыялу».

Водгукі на кнігу

Гісторыя БНР «для чайнікаў» — у адным відэа
пачакайце

No media source currently available

0:00 0:35:58 0:00

Кніга «Падарожжа ў БНР» — у публікацыях на сайце Свабоды

Падкасты «Падарожжа ў БНР». СЛУХАЦЬ

Усе кнігі «Бібліятэкі Свабоды. ХХІ стагодзьдзе»

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG