Лінкі ўнівэрсальнага доступу

Беларускі блогер Nexta выдаў «магчыма, апошняе відэа»


У сувязі з падрыхтоўкай паправак у закон «Аб СМІ» беларускі блогер Сьцяпан Сьвятлоў, вядомы як Nexta, зрабіў відэа, якое назваў «магчыма, апошнім».

Nexta сьцьвярджае, што зьмены ў законе, прынятыя ў першым чытаньні, узмоцняць ціск на незалежныя СМІ і байнэт — у тым ліку праз забарону ананімных камэнтароў і магчымасьць заблякаваць рэсурс «у адзін клік».

Блогер адзначае, што «сьціплы голас дзяржаўных СМІ адназначна тоне на тле свабоднай інфармацыі зь інтэрнэту» — таму дзяржава і хоча больш жорстка рэгуляваць гэтую інфармацыю, мяркуе ён, хай сабе законы і апраўдваюць барацьбой з экстрэмізмам, тэрарызмам ці пэдафіліяй.

Ён згадвае, што наклад «Советской Белоруссии» складае «ўсяго 400 тысяч экзэмпляраў», тым часам як у ягоным «сьціплым блогу» некаторыя выпускі набіралі мільёны праглядаў.

«Цешыць ва ўсёй гэтай сытуацыі толькі адно: укараняць у Беларусі цэнзуру інтэрнэту будуць тыя самыя людзі, якія некалі займаліся мадэрнізацыяй дрэваапрацоўчых фабрык і цэмэнтных заводаў, увагнаўшы іх у шматмільярдныя страты, а затым уводзілі ў дзеяньне „дэкрэт аб дармаедах“, сабраўшы з 50 тысяч чалавек па 360 рублёў, а затым раздаўшы іх назад», — разважае Nexta.

Раней Сьвятлоўрасказаў, што яго западозрылі ў «абразе прэзыдэнта», за што могуць пасадзіць у турму на тэрмін да трох год. У кватэры ў Сеньніцы Менскага раёну, дзе ён раней жыў, правялі ператрус. Бацька відэаблогера казаў, што гэтым сям’ю ня ўдасца запалохаць.

Як беларуская дзяржава парушае свой жа закон аб СМІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG