На сёньняшні дзень пацьверджанай інфармацыі пра тое, што былы дэпутат аднавіў галадоўку, няма. Адвакат Міхаіл Хоміч лічыць, што экс-парлямэнтар усё ж галадуе. Ён спасылаецца на словы самаго Скрабца, сказаныя яшчэ 7 ліпеня, калі яго ў Берасьцейскім сьледчым ізалятары наведваў сьледчы ў асабліва важных справах Пракуратуры Беларусі Вячаслаў Цераховіч:
(Хоміч: ) “Ён сказаў упэўнена ў прысутнасьці Цераховіча, што заўтра зноў пачне галадаць, пачне чарговы тур”.
Дзяжурны Берасьцейскага сьледчага ізалятару катэгарычна адмовіўся паведаміць што-небудзь пра стан былога дэпутата:
(Дзяжурны: ) “Няма начальніка цяпер у Берасьці. Я інфармацыю пра Скрабца вам ня дам. Па гэта трэба зьвяртацца да начальніка”.
Адвакат Хоміч пакуль у ізалятар не зьбіраецца — чакае запрашэньня ад экс-дэпутата:
(Хоміч: ) “Ён мне сказаў, што пакліча, калі патрэбна будзе”.
Тым часам малодшы брат Сяргея Скрабца Аляксандар сьцьвярджае, што стан здароўя вязьня пагоршыўся. Сёньня Аляксандар атрымаў чарговы ліст ад брата:
(Скрабец: ) “Мне не спадабаўся гэты ліст. Ён мяне засмуціў. Сумна неяк. Зрок пагоршыўся ад галаданьня ў Сяргея. І наагул, неяк даволі дзіўна напісана. Можна так зразумець, што ён быццам і не спыняў галадоўкі. Піша, што пайшоў ужо 51-шы дзень. Ён ня піша дакладна, што не галадуе, але нешта такое праглядаецца. Цьмяна гэта ўсё”.
У сераду, 13 ліпеня, вязьня ў сьледчым ізалятары зьбіраюцца наведаць ягоныя бацькі. Паводле жонкі Сяргея Скрабца Аляксандры, яны атрымалі адпаведны дазвол ад сьледчага Вячаслава Цераховіча.
* * * Сяргей Скрабец летам 2004 году ўдзельнічаў у галадоўцы дэпутатаў, якія патрабавалі дэмакратызацыі выбарчага заканадаўства. Летась у кастрычніку ён зьвярнуўся да прэзыдэнта Расеі з просьбай пра палітычны прытулак, аднак атрымаў адмову. Сёлета ў красавіку Беларускае тэлебачаньне паказала сюжэт, у якім сьцьвярджалася, што спэцслужбы затрымалі кур’ера, які вёз зь Вільні 200 тысяч даляраў — нібыта для фінансаваньня палітычнай дзейнасьці Сяргея Скрабца.
(Хоміч: ) “Ён сказаў упэўнена ў прысутнасьці Цераховіча, што заўтра зноў пачне галадаць, пачне чарговы тур”.
Дзяжурны Берасьцейскага сьледчага ізалятару катэгарычна адмовіўся паведаміць што-небудзь пра стан былога дэпутата:
(Дзяжурны: ) “Няма начальніка цяпер у Берасьці. Я інфармацыю пра Скрабца вам ня дам. Па гэта трэба зьвяртацца да начальніка”.
Адвакат Хоміч пакуль у ізалятар не зьбіраецца — чакае запрашэньня ад экс-дэпутата:
(Хоміч: ) “Ён мне сказаў, што пакліча, калі патрэбна будзе”.
Тым часам малодшы брат Сяргея Скрабца Аляксандар сьцьвярджае, што стан здароўя вязьня пагоршыўся. Сёньня Аляксандар атрымаў чарговы ліст ад брата:
(Скрабец: ) “Мне не спадабаўся гэты ліст. Ён мяне засмуціў. Сумна неяк. Зрок пагоршыўся ад галаданьня ў Сяргея. І наагул, неяк даволі дзіўна напісана. Можна так зразумець, што ён быццам і не спыняў галадоўкі. Піша, што пайшоў ужо 51-шы дзень. Ён ня піша дакладна, што не галадуе, але нешта такое праглядаецца. Цьмяна гэта ўсё”.
У сераду, 13 ліпеня, вязьня ў сьледчым ізалятары зьбіраюцца наведаць ягоныя бацькі. Паводле жонкі Сяргея Скрабца Аляксандры, яны атрымалі адпаведны дазвол ад сьледчага Вячаслава Цераховіча.
* * * Сяргей Скрабец летам 2004 году ўдзельнічаў у галадоўцы дэпутатаў, якія патрабавалі дэмакратызацыі выбарчага заканадаўства. Летась у кастрычніку ён зьвярнуўся да прэзыдэнта Расеі з просьбай пра палітычны прытулак, аднак атрымаў адмову. Сёлета ў красавіку Беларускае тэлебачаньне паказала сюжэт, у якім сьцьвярджалася, што спэцслужбы затрымалі кур’ера, які вёз зь Вільні 200 тысяч даляраў — нібыта для фінансаваньня палітычнай дзейнасьці Сяргея Скрабца.
