«Апошнім часам у інфармацыйнай прасторы зьявілася рэкляма ад імя народнага артысты Беларусі Анатоля Ярмоленкі аб плятформе „Газінвэст“. Але гэта падман, створаны з выкарыстаньнем штучнага інтэлекту», — адзначаецца ў паведамленьні.
У ведамстве ўдакладнілі, што ў відэазапісе ад яго імя заклікаюць беларусаў інвэставаць у прыродныя рэсурсы ўсяго ад 170 рублёў, а пасьля атрыманьня грошай махляры зьнікаюць, а іх сайты спыняюць працу.
«Не сьпяшайцеся весьціся на такія абяцаньні. Махляры выкарыстоўваюць імёны вядомых асобаў, каб выклікаць давер у людзей», — заклікалі ў Міністэрстве інфармацыі Беларусі.
Апошнім часам сілавыя органы Беларусі паведамляюць, што махляры ўсё часьцей выкарыстоўваюць штучны інтэлект для сваіх схем у выманьваньні грошай. Яны часта выступаюць ад імя сілавых структур, пагражаючы вобшукамі і арыштам, прапануюць паслугі ў хуткім афармленьні віз або па замене лічыльнікаў ці дамафонаў.
Згодна з інфармацыяй УУС Менскага гарвыканкаму, летась у Менску колькасьць крадзяжоў праз тэлефон і інтэрнэт перавысіла іх колькасьць па лініі крымінальнага вышуку.
Форум