Упершыню ў сьпіс трапіў знаны расейскі пісьменьнік Віктар Пялевін. Сярод забароненых кніг таксама твор-пераможца ў жаночай прэміі за мастацкую літаратуру (Orange Prize) 2012 году «Песьня Ахіла» Мадлен Мілер.
- Джон Бойн. «Абсолютист»
- Попі Брайт. «Изысканный труп»
- Элізабэт Вуртцэль. «Нация прозака»
- Пэм Гудвін. «Уроки во грехе»
- Жан-Крыстоф Гранжэ. «Лес мертвецов»
- Тацяна Коган. «Амнезия души»
- Марыяна Крам. «Твоя Мари»
- Сяргей Кузьняцоў. «Семь лепестков»
- Легс Макніл, Джыліян Макейн. «Прошу, убей меня! Подлинная история панк-рока в рассказах участников»
- Мадлен Мілер. «Песнь Ахилла»
- Патрык Нэс. «Освобождение»
- Віктар Пялевін. «Лампа Мафусаила, или Крайняя битва чекистов с масонами»
- Ісэй Сагава. «Дневник каннибала. История японского людоеда, который вместо срока получил славу»
- Арцём Серабракоў. «Фистула»
- Уладзімер Харошка. «Улыбка — пилигрим души: стихи, переводы»
- Аляксандар Чашчын. «БДСМ. Бесконечная доброта, сострадание и милосердие».
Усяго ў сьпісе выданьняў, распаўсюд якіх, паводле ўладаў Беларусі, «здатны нанесьці шкоду інтарэсам Рэспублікі Беларусь», цяпер 241 пазыцыя.
Напярэдадні ў іншы сьпіс — «экстрэмісцкіх матэрыялаў» — улады ўнесьлі дзіцячую кніжку пра дыназаўра выдавецтва «Тэхналёгія».
Экстрэмізм у кніжцы Эліяша Барта «Джа. Легенда аб забраным сэрцы» ўгледзеў 18 лютага суд Партызанскага раёну Менску.
Кніга выйшла паўтысячным накладам яшчэ ў 2023 годзе. У анатацыі да яе гаворыцца, што гэта «гісторыя пра дыназаўра Джа, які зьбіраў дзівосныя рэчы: пёркі, ракавінкі, камяні. Яго родны востраў захапілі жорсткія монстры, якія занялі найлепшыя для жыцьця мясьціны і забаранілі памятаць пра мінулае. Аднак жа Джа паміж спакоем і змаганьнем выбраў барацьбу, і ўрэшце захопнікам давялося хавацца па сьлізкіх норах».
21 лютага выдавецтва «Тэхналёгія» паведаміла пра спыненьне працы. У гэты ж дзень у Менску адбыліся масавыя затрыманьні выдаўцоў і кнігароў.
