У дзень сустрэчы Трампа з Мачада ЗША захапілі шосты танкер, зьвязаны з Вэнэсуэлай

Адзінай нафтай, што вывозіцца з Вэнэсуэлы, будзе нафта, транспараваная належным чынам і ў адпаведнасьці з законам, — гаворыцца ў паведамленьні.

Судна Veronica ходзіць пад сьцягам Гаяны — апошні раз яно было зарэгістравана каля берагоў Вэнэсуэлы 12 дзён таму, піша The Guardian.

Паводле Reuters, танкер затрымалі ў Карыбскім моры.

15 студзеня а 19:30 менскага часу заплянаваная сустрэча прэзыдэнта ЗША Дональда Трампа зь лідэркай вэнэсуэльскай апазыцыі Марыяй Карынай Мачада.

Перахопленыя да гэтага часу суды альбо знаходзіліся пад санкцыямі ЗША, альбо ўваходзілі ў склад «ценевага флёту» караблёў, што выкарыстоўваюцца для перавозкі нафты ў інтарэсах краінаў, што знаходзяцца пад санкцыямі: Вэнэсуэлы, Ірана і Расеі.

Папярэднія затрыманыя танкеры

1. Skipper — 10 сьнежня, Карыбскае мора.
2. Centuries — 20 сьнежня, Карыбскае мора.
3. Marinera (раней Bella 1) — 7 студзеня, Атлянтычны акіян паміж Ісьляндыяй і Шатляндыяй.
4. M Sophia — 7 студзеня, Карыбскае мора.
5. Olina (раней Minerva M) — 9 студзеня 2026, Карыбскае мора.

ГЛЯДЗІЦЕ ТАКСАМА:

Затрыманы ЗША 7 студзеня танкер аказаўся зьвязаным з малдаўскім алігархам і памочнікам Крамля Іланам Шорам