Лінкі ўнівэрсальнага доступу

Беларусь праз паўгода пасьля Ўкраіны спыніла дзеяньне двухбаковай дамовы аб пэнсійным забесьпячэньні


Будынак Дому ўраду Беларусі. Ілюстрацыйнае фота
Будынак Дому ўраду Беларусі. Ілюстрацыйнае фота

Сёлета ў траўні Вярхоўная Рада Ўкраіны ўхваліла ініцыяваны ўкраінскім урадам закон аб дэнансацыі дамовы зь Беларусьсю аб пэнсійным забесьпячэньні.

Урад Беларусі спыніў дзеяньне дамовы між Фондам сацыяльнай абароны насельніцтва Міністэрства сацыяльнай абароны Беларусі і Пэнсійным фондам Украіны аб узаемным пераводзе і выплаце пэнсій.

Як адзначаецца ў апублікаванай на Нацыянальным прававым інтэрнэт-партале Беларусі пастанове, рашэньне набывае юрыдычную моц 23 сьнежня 2023 году.

Сёлета ў траўні Вярхоўная Рада Ўкраіны ўхваліла ініцыяваны ўкраінскім урадам закон аб дэнансацыі дамовы зь Беларусьсю аб пэнсійным забесьпячэньні.

Гэты дакумэнт рэгуляваў пытаньне дзяржаўнага пэнсійнага забесьпячэньня грамадзян, якія стала пражывалі або пераехалі на сталае пражываньне ў краіны-падпісанты. У прыватнасьці, гаворка ішла аб налічэньні пэнсій па ўзросьце, па інваліднасьці, за выслугу гадоў і ў выпадку страты карміцеля.

У межах гэтай дамовы, падпісанай у Кіеве 14 сьнежня 1995 году, пэнсійныя фонды дзьвюх краін заключылі галіновую дамову, якая вызначала парадак узаемнага пералічэньня грошай для выплаты пэнсій грамадзянам, якія працавалі ў Беларусі і жывуць ва Ўкраіне, а таксама грамадзянам, якія працавалі ва Ўкраіне і жывуць у Беларусі.

Ад пачатку расейскага ваеннага ўварваньня ва Ўкраіну, якое падтрымала кіраўніцтва Беларусі, украінскі ўрад скасаваў, дэнансаваў, спыніў дзейнасьць або выйшаў з больш як 40 двухбаковых пагадненьняў, дамоваў і мэмарандумаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG