Лінкі ўнівэрсальнага доступу

ЗША анансавалі візыт прэзыдэнта Байдэна ў Ізраіль


Прэзыдэнт ЗША Джо Байдэн
Прэзыдэнт ЗША Джо Байдэн

Ізраіль папрасіў ЗША аб дапамозе на $10 млрд.

Прэзыдэнт ЗША Джо Байдэн плянуе прыехаць у Ізраіль 18 кастрычніка, яму раскажуць аб стратэгіі ЦАХАЛ і спосабах мінімізаваць ахвяры сярод мірнага насельніцтва.

«Прэзыдэнт Байдэн, як ён ужо заяўляў адразу пасьля забойства ХАМАС больш за 1400 чалавек, у тым ліку ня менш як 30 амэрыканцаў, лічыць, што Ізраіль мае права і абавязаны абараняць свой народ ад ХАМАС і іншых тэрарыстаў і перадухіляць будучыя напады. Прэзыдэнт даведаецца ад Ізраіля, што яму неабходна для абароны свайго народу, і працягне працу з Кангрэсам па задавальненьню гэтых патрэбаў», – сказаў дзяржсакратар Энтані Блінкен.

Адміністрацыя Байдэна таксама накіруе ў рэгіён для падтрымкі Ізраіля два авіяносцы і сілы хуткага рэагаваньня, уключаючы 2000 марскіх пяхотнікаў. Ва Ўсходнім Міжземнаморʼі ўжо знаходзіцца амэрыканскі авіяносец.

Ізраіль зьвярнуўся да ЗША з просьбай аказаць надзвычайную дапамогу на $10 млрд, піша The New York Times са спасылкай на трох чыноўнікаў.

Раней паведамлялася, што Белы дом заплянаваў узгадніць у Кангрэсе выдзяленьне Ізраілю і Ўкраіне істотна меншай сумы – $2 млрд. Законапраект з такім аб'ёмам дапамогі дзьвюм дзяржавам прапануе кангрэсмэнам прэзыдэнт ЗША Джо Байдэн пасьля таго, як Палата прадстаўнікоў выбера новага сьпікера.

Міністар фінансаў ЗША Джанет Елен запэўнівала раней, што амэрыканская эканоміка справіцца з адначасовай падтрымкай дзьвюх дзяржаў, паколькі канфлікт паміж Ізраілем і ХАМАС пагражае стабільнасьці на Блізкім Усходзе, але ЗША таксама працягваюць падтрымліваць барацьбу Ўкраіны супраць Расеі.


Кангрэсмэны абмяркоўваюць перадачу Арміі абароны Ізраіля запасных снарадаў для сыстэмы СПА «Жалезны купал», 155-мм артылерыйскіх боепрыпасаў, высокадакладных бомбаў і камплектаў JDAM для ператварэньня звычайных авіябомбаў у высокадакладныя снарады, расказаў лідэр дэмакратычнай большасьці ў Сэнаце Чак Шумэр.

Вайна Ізраілю з ХАМАСам. Асноўнае

  • 7 кастрычніка 2023 году Ізраіль зазнаў ракетны ўдар з боку сэктару Газа, а баевікі руху ХАМАС прарваліся на тэрыторыю краіны, забіўшы ня менш за 260 удзельнікаў музычнага фэстывалю і захапіўшы сотні закладнікаў. Некаторых людзей расстрэльвалі проста на вуліцах.
  • Уварваньне з сэктару Газа адбылося ў 50-ю гадавіну пачатку вайны Суднага дня 1973 году.
  • Армія абароны Ізраілю (ЦАХАЛ) у адказ на атаку пачала ваенную апэрацыю «Жалезныя мячы». Ужо 8 кастрычніка Ізраіль афіцыйна абвясьціў стан вайны.
  • ХАМАС папярэдзіў, што будзе забіваць аднаго з закладнікаў кожны раз, калі ізраільскія вайскоўцы будуць бамбіць цывільныя аб’екты ў Газе.
  • Іран заявіў, што не бярэ ўдзелу ў вайне, але адкрыта заявіў пра падтрымку дзеяньняў ХАМАС. Найвышэйшы ўладар Ірану аятала Алі Хамэнэі заявіў: «Мы цалуем рукі тым, хто плянаваў напад на сыянісцкі рэжым».
  • Колькасьць параненых беларусаў на 10 кастрычніка 2023 году — 3 чалавекі. Стан адной з параненых жанчын цяжкі.
  • 10 кастрычніка ў кібуцы Кфар Аза побач з сэктарам Газа выявілі целы дзясяткаў забітых, у тым ліку малых дзяцей.
  • Міністар абароны Ізраілю Яаў Галант 11 кастрычніка заявіў, што войска пераходзіць да поўнамаштабнага наступу на сэктар Газа.
  • Лібанская ўзброеная групоўка «Хэзбала» 11 кастрычніка абстраляла супрацьтанкавымі ракетамі пазыцыі ізраільскіх вайскоўцаў і заявіла, што забіла і параніла іх.
  • Па стане на 17 кастрычніка вядома, што ў Ізраілі з пачатку вайны загінулі трое грамадзян Беларусі.
  • Ізраіль у лістападзе 2023 году пайшоў у атаку на сэктар Газа і заявіў аб пашырэньні наземнай апэрацыі.
  • 22 лістапада стала вядома, што Ізраіль і ХАМАС у Катары падпісалі пагадненьне аб замірэньні на 4 дні. Пазьней замірэньне падоўжылі, але ўжо 30 лістапада яно спынілася пасьля ракет з Газы па Ізраілі, заявілі ў ЦАХАЛ.
  • За час замірэньня з палону ХАМАС было вызвалена 105 закладнікаў, а з ізраільскіх турмаў 240 палестынскіх зьняволеных.
  • 6 студзеня Ізраіль заявіў пра тое, што поўнач сэктару Газа зачышчаная ад баевікоў ХАМАС.

    «Хэзбала» выпусьціла ракеты па Ізраілі на наступны дзень пасьля нападу ХАМАС, у кастрычніку 2023 году. З таго часу абстрэлы на мяжы адбываюцца амаль штодня. Дзясяткі тысяч жыхароў эвакуавалі з прымежных раёнаў з абодвух бакоў.

    «Хэзбала» — ваенізаваная групоўка і палітычная партыя, якая кантралюе значную частку паўднёвага Лібану. Злучаныя Штаты лічаць яе тэрарыстычнай арганізацыяй. Эўрапейскі Зьвяз унёс у свой сьпіс такіх арганізацыяў толькі яе ўзброенае крыло, але не палітычную партыю (партыя «Хэзбалы» прадстаўлена ў парлямэнце Лібану). «Хэзбала» таксама ёсьць часткаю так званай іранскай «восі супраціву» — сеткі іранскіх давераных асобаў і падтрыманых Тэгеранам групаў баевікоў, якія выступаюць супраць Ізраілю і ЗША.
  • Увосень 2024 году рэзка вырасла супрацьстаяньне на ізраільска-лібанскай мяжы. «Хэзбала» атакавала Ізраіль, а ў Тэль-Авіве вырашылі правесьці сэрыю авіяналётаў, каб зьнішчыць атакавальны патэнцыял «Хэзбалы».
  • 23 верасьня Ізраіль распачаў першую з 2006 году наземную апэрацыю на поўдні Лібану, калі пачалася Другая лібанская вайна (Ліпеньская вайна). Апэрацыю назвалі «Стрэлы поўначы».
  • 27 верасьня Ізраіль нанёс магутныя ўдары па Лібане і забіў лідэра «Хэзбалы» Хасана Насралу.
  • 3 кастрычніка Армія абароны Ізраілю паведаміла пра атаку на аб’екты «Хэзбалы» ў Бэйруце.
  • 15 студзеня 2025 году стала вядома пра пагадненьне пра спыненьне агню паміж Ізраілем і ХАМАС, якое павінна пачаць дзейнічаць з 19 студзеня. Ізраільскі бок выпусьціць некалькіх зьняволеных палестынскіх арабаў, а тэрарыстычная групоўка ізраільскіх закладнікаў.

    Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG