«Сьвет сумняваўся ў 2014-м годзе, калі Расея, не раздумваючы, акупавала Крым, — цытуе Зяленскага УНІАН. — Сьвет сумняваўся ў 2022, калі Расея без сумневу пачала поўнамаштабную вайну. Сёньня — і больш ніколі — сьвет не павінен сумнявацца. Калі зло вяртаецца, сьвету патрэбна хуткасьць і рашучасьць. Расея экспартуе тэрор, і сьвет павінен дзейнічаць хутчэй, чым дзейнічае яна».
«Дзесяць гадзін таму пад Кіевам адбылася трагедыя. Крушэньне верталёта забрала жыцьці міністра ўнутраных спраў Украіны, яго калег і экіпажу, калі верталёт упаў каля дзіцячага садка. Чатырнаццаць украінскіх сем’яў страцілі сёньня блізкіх, і праз вайны многія губляюць іх кожны дзень», — адзначыў прэзыдэнт Украіны, папрасіўшы ўдзельнікаў форуму аб хвіліне цішыні ў памяць аб загінулых.
