Лінкі ўнівэрсальнага доступу

У Паветраных сілах Украіны расказалі, якую авіяцыйную тэхніку Расея трымае на аэрадромах у Беларусі


Расейскі самалёт МіГ-31К
Расейскі самалёт МіГ-31К

Апошнія некалькі дзён на ўсёй тэрыторыі Ўкраіны абвяшчалі паветраную трывогу, зьвязаную з тым, што Расея на тэрыторыі Беларусі падымала ў паветра сваю авіяцыю.

Сьпікер камандаваньня Паветраных сілаў Украіны Юры Ігнат паведаміў, што Расея трымае на 40 вайсковых аэрадромах у Беларусі, акупаваным Крыме і на сваёй тэрыторыі каля 750 адзінак авіяцыйнай тэхнікі.

«Авіяцыя — надзвычайна мабільныя сілы. Іх можна перакінуць літаральна за лічаныя гадзіны, таму акцэнтаваць увагу на колькасьці ня варта», — сказаў Юры Ігнат на брыфінгу 14 лістапада.

Сьпікер камандаваньня Паветраных сілаў Украіны падкрэсьліў, што «Расея выкарыстоўвае ўсе без вынятку аэрадромы Беларусі, якія ёй для гэтага патрэбныя. І разьмяшчае там сваю вайсковую тэхніку».

«Мы ведаем, што там ёсьць самалёты МіГ-31К, празь якія ў нас стала абвяшчаюцца паветраныя трывогі. Яны там разьмяшчаюць і іншыя тыпы авіяцыйнай тэхнікі — гэта самалёты Су-30, Су-34, Су-35, а таксама гелікоптэры Ка-52. Колькасьць авіяцыі, разьмешчанай вакол Украіны, на тых 40 аэрадромах, улучна з Крымам, Расеяй і Беларусьсю, — гэта больш як 750 паветраных апаратаў», — адзначыў Юры Ігнат.

Апошнія некалькі дзён на ўсёй тэрыторыі Ўкраіны абвяшчалі паветраную трывогу. Гэта было зьвязана з тым, што Расея на тэрыторыі Беларусі падымала ў паветра сваю авіяцыю. Самалёты МіГ-31К могуць пераносіць ракеты «Кінжал».

Беларусь падтрымала расейскую агрэсію супраць Украіны. 24 лютага зь беларускай тэрыторыі расейскія войскі ўварваліся ва Ўкраіну. Расейцы таксама абстрэльвалі зь Беларусі паўночныя ўкраінскія гарады. Раней ва Ўкраіне паведамілі, што Расея пастаўляе ў Беларусь іранскія дроны-камікадзэ, а таксама іранскіх інструктараў у кіраваньні гэтымі бесьпілётнікамі.

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
  • Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG