Лінкі ўнівэрсальнага доступу

У Пэнтагоне не пацьвердзілі паведамленьняў аб перамяшчэньні ядзернай зброі ў Расеі


Пэнтагон
Пэнтагон

Амэрыканскія вайскоўцы пакуль ня ўбачылі ў дзеяньнях Крамля нічога, што магло б памяняць пазыцыю ЗША адносна прымяненьня ядзернай зброі.

Пра гэта інфармуе «Голас Амэрык»і.

Высокапастаўлены прадстаўнік Пэнтагону заявіла, што Міністэрства абароны ЗША ня можа пацьвердзіць паведамленьні аб перавозцы расейскай тактычнай ядзернай зброі па чыгунцы, дадаўшы, што амэрыканскія вайскоўцы пакуль ня бачылі нічога, што магло б аказаць уплыў на іх ядзерную стратэгію.

«У ядзерным пытаньні мы, безумоўна, чулі бразгат зброяй ад Пуціна. Але мы ня бачым ніякіх прыкмет, якія прымусілі б нас зьмяніць нашу пазыцыю ў дачыненьні да ядзернай зброі», — сказала Лора Купэр, намесьнік памочніка міністра абароны, якая займаецца пытаньнямі Расеі, Украіны і Эўразіі.

Купэр афіцыйна паведаміла аб перадачы Ўкраіне новага пакета ў галіне бясьпекі на суму да 625 млн даляраў.

«Цяпер на баку Ўкраіны ня толькі яе ўласныя магчымасьці, але і магчымасьці ўсіх яе саюзьнікаў і партнэраў. Злучаныя Штаты ня толькі гдаюць [Украіне] дадатковыя боепрыпасы, але мы таксама інвэстуем у вытворчасьць боепрыпасаў», — заявіла Купэр.

Яна падкрэсьліла, што ўкраінскія сілы пасьпяхова працягваюць контранаступ, адваёўваючы сваю тэрыторыю ў расейскіх захопнікаў.

«Нягледзячы на тое, што расейскі ўрад сёньня прымае законы, каб незаконна прэтэндаваць на некаторыя ўкраінскія тэрыторыі, рэальнасьць на месцах такая, што Ўзброеныя сілы Ўкраіны працягваюць адваёўваць тэрыторыю і замацоўваць свае заваёвы, — заявіла Купэр. — Украінскае контранаступленьне ў Херсоне значна прасунулася за апошнія 24 гадзіны, і ўкраінскія сілы працягваюць вызваляць вёскі, рухаючыся наперад».

У сваю чаргу, камэнтуючы дзеяньні паўночнакарэйскага ўраду, афіцыйны прадстаўнік Пэнтагону Пэт Райдэр папярэдзіў, што ядзерныя выпрабаваньні, якія праводзяцца Пхэньянам, сур’ёзна пагражаюць міжнароднай стабільнасьці.

«Як вы ведаеце, у мінулым (былі) прыкметы таго, што КНДР рыхтуе выпрабаваньне, якое стане яе сёмым ядзерным выпрабаваньнем», — заявіў Пэт Райдэр. — Калі яны сапраўды правядуць такое выпрабаваньне, то з нашага пункту гледжаньня, гэта відавочна будзе сур’ёзнай эскаляцыяй і прынясе сур’ёзную пагрозу рэгіянальнай і міжнароднай бясьпецы і стабільнасьці".

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў.
  • Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка даў інтэрвію расейскай прапагандыстцы Вользе Скабеевай, зь якога вынікала, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 1 жніўня Лукашэнка сказаў, што больш як палова тактычнай ядзернай зброі, якую заплянавана разьмясьціць на беларускай тэрыторыі, ужо «завезена і разгрупавана» па краіне. Ён ня раз заяўляў, што ўжыве ядзерную зброю ў выпадку агрэсіі супраць Беларусі.
  • У чэрвені 2023 году ўкраінскія войскі пачалі контранаступальныя апэрацыі на ўсходзе і поўдні краіны. Расейскія войскі падрыхтавалі добра ўмацаваныя лініі абароны, таму прасоўваньне контранаступу ішло са значнымі стратамі.
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы правялі некалькі масавых абстрэлаў украінскіх гарадоў, у Дніпры, Кіеве, Харкаве і іншых месцах дзясяткі людзей загінулі і атрымалі раненьні. Украінскі бок у адказ абстраляў расейскі Белгарад, некалькі чалавек загінулі.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG