Лінкі ўнівэрсальнага доступу

Украіна хоча атрымаць ад Расеі 300 млрд даляраў рэпарацый


Марыюпаль, 30 жніўня 2022
Марыюпаль, 30 жніўня 2022

Украіна хоча атрымаць ад Расеі рэпарацыі памерам ня менш за 300 млрд даляраў ў сувязі з ваеннымі разбурэньнямі ад расейскай агрэсіі.

Пра гэта са спасылкай на заяву міністра юстыцыі Ўкраіны Дзяніса Малюські выданьням нямецкай мэдыягрупы Funke паведамляе DW.

На Генэральнай Асамблеі ААН, якая пачынаецца 13 верасьня, Кіеў зьбіраецца дабіцца прыняцьця рэзалюцыі, на якой у далейшым павінна грунтавацца стварэньне міжнароднага мэханізму кампэнсацыі стратаў.

«Мы хочам атрымаць кампэнсацыю за ўсю шкоду, якую Расея нанесла Ўкраіне сваёй агрэсіўнай вайной», — адзначыў міністар.

Страты, панесеныя Ўкраінай ад расейскага поўнамаштабнага ўварваньня, ацэньваюцца значна вышэй, адзначае агенцтва dpa. Тым ня менш згаданая сума адпавядае актывам Банку Расеі ў краінах G7, замарожаным у рамках міжнародных санкцый.

Малюська запатрабаваў доступу да гэтых сродкаў, а таксама да замежных актываў расейскіх дзяржаўных прадпрыемстваў і канфіскаванай уласнасьці расейскіх алігархаў.

Нямеччына таксама павінна даць інфармацыю, колькі расейскіх актываў разьмешчана ў краіне, дадаў міністар.

ВУП Украіны з прычыны расейскага ўварваньня скараціўся на 37,2% у гадавым вымярэньні, сьведчаць дадзеныя ўкраінскага Дзяржстату.

«Рэальны ВУП у II квартале 2022 году зьменшыўся ў параўнаньні з папярэднім кварталам на 19,1%, а ў параўнаньні з II кварталам 2021 году — на 37,2%», — гаворыцца ў паведамленьні ведамства.

Згодна з прагнозамі Міністэрства эканомікі, ВУП Украіны сёлета з прычыны вайны зьменшыцца на 35-40%.

Нацыянальны банк Украіны чакае падзеньня эканомікі на 33,4% сёлета і частковага росту ў 2023 і 2024 гадах.

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў.
  • Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка даў інтэрвію расейскай прапагандыстцы Вользе Скабеевай, зь якога вынікала, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 1 жніўня Лукашэнка сказаў, што больш як палова тактычнай ядзернай зброі, якую заплянавана разьмясьціць на беларускай тэрыторыі, ужо «завезена і разгрупавана» па краіне. Ён ня раз заяўляў, што ўжыве ядзерную зброю ў выпадку агрэсіі супраць Беларусі.
  • У чэрвені 2023 году ўкраінскія войскі пачалі контранаступальныя апэрацыі на ўсходзе і поўдні краіны. Расейскія войскі падрыхтавалі добра ўмацаваныя лініі абароны, таму прасоўваньне контранаступу ішло са значнымі стратамі.
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы правялі некалькі масавых абстрэлаў украінскіх гарадоў, у Дніпры, Кіеве, Харкаве і іншых месцах дзясяткі людзей загінулі і атрымалі раненьні. Украінскі бок у адказ абстраляў расейскі Белгарад, некалькі чалавек загінулі.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG