«Вынікам стаў больш бясьпечны сьвет і большая свабода для мільёнаў людзей». Сусьветныя лідэры пра Гарбачова

31 жнівень 2022, 10:26

Міхаіл Гарбачоў і прэзыдэнт ЗША Джордж Буш-старэйшы (архіўнае фота)

Пра сьмерць Міхаіла Гарбачова выказаліся многія сусьветныя лідэры і палітыкі. СМІ у сераду публікуюць партрэты Міхаіла Гарбачова на першых палосах і аддаюць у рэдакцыйных камэнтарах даніну ягоным заслугам.

Прэзыдэнт ЗША Джо Байдэн назваў Гарбачова «рэдкім лідэрам» — «чалавекам з уяўленьнем, здольным убачыць, што іншая будучыня магчымая, і мужнасьцю рызыкнуць усёй сваёй кар’ерай, каб дасягнуць яе. Вынікам стаў больш бясьпечны сьвет і большая свабода для мільёнаў людзей», — гаворыцца ў заяве Байдэна.

Паводле генэральнага сакратара ААН Антонію Гутэрыша, Міхаіл Гарбачоў быў адзіным у сваім родзе дзяржаўным дзеячам, які зьмяніў ход гісторыі і зрабіў больш, чым хто б там ні быў, для мірнага завяршэньня халоднай вайны.

Прэм’ер-міністар Вялікай Брытаніі Борыс Джонсан заявіў, што заўсёды захапляўся адвагай і шчырасьцю, якую Гарбачоў праявіў у прывядзеньні халоднай вайны да мірнага заканчэньня. «У часы пуцінскай агрэсіі ва Ўкраіне яго нястомная прыхільнасьць адкрытасьці савецкага грамадзтва застаецца прыкладам для ўсіх нас», — напісаў брытанскі прэм’ер-міністар.

На думку прэзыдэнта Францыі Эманюэля Макрона, прыхільнасьць Гарбачова да міру ў Эўропе зьмяніла гісторыю і адкрыла расейцам шлях да свабоды.

Старшыня Эўрапейскай камісіі Урзуля фон дэр Ляен назвала Гарбачова годным і паважаным лідэрам, які адыграў вырашальную ролю ў спыненьні халоднай вайны і падзеньні жалезнай заслоны. «Ён адкрыў шлях да свабоднай Эўропы. Гэтую спадчыну мы не забудзем», — дадала фон дэр Ляен.

Нямецкія палітыкі асабліва адзначаюць тую ролю, якую Міхаіл Гарбачоў адыграў у разбурэньні Бэрлінскага муру і наступным аб’яднаньні Нямеччыны. «Без Гарбачова немагчыма было б уявіць мірных рэвалюцый у краінах Усходняга блёку, у тым ліку ў нас», — заявіла віцэ-прэзыдэнт Бундэстагу Катрын Герынг-Экард.

«Гарбачоў даў нам свабоду. Ён даў свабоду сотням мільёнаў людзей у Расеі і вакол яе, а яшчэ і палове Эўропы. Як мы ў Расеі скарысталіся падоранай нам свабодай, гэтай вялікай магчымасьцю — гэта ўжо наша адказнасьць», — пракамэнтаваў вестку аб сьмерці былога прэзыдэнта. СССР расейскі палітык, заснавальнік партыі «Яблоко» Грыгорый Яўлінскі, які займаў у 1990 годзе пасаду намесьніка старшыні Савету Міністраў РСФСР.

Міхаіл Гарбачоў. Жыцьцё ў фатаздымках

Былы савецкі лідэр Міхаіл Гарбачоў падчас прэзэнтацыі аўтабіяграфічнай кнігі 29 лютага 2016 году. Гарбачоў казаў: «Чым больш я думаю пра сваё жыцьцё, тым больш бачу, што самыя вялікія і важныя падзеі адбыліся нечакана».<br /> — 1/25 Былы савецкі лідэр Міхаіл Гарбачоў падчас прэзэнтацыі аўтабіяграфічнай кнігі 29 лютага 2016 году. Гарбачоў казаў: «Чым больш я думаю пра сваё жыцьцё, тым больш бачу, што самыя вялікія і важныя падзеі адбыліся нечакана».

Міхаіл Сяргеевіч Гарбачоў нарадзіўся 2 сакавіка 1931 году. На фота з бабуляй і дзядулем ва ўзросьце трох гадоў.<br /> — 2/25 Міхаіл Сяргеевіч Гарбачоў нарадзіўся 2 сакавіка 1931 году. На фота з бабуляй і дзядулем ва ўзросьце трох гадоў.

Малады Гарбачоў ва ўзросьце 19 гадоў. На лацкане пінжака ў яго ордэн Працоўнага Чырвонага Сьцяга, які Гарбачоў атрымаў за кіраваньне камбайнам на раўнінах поўдня Расеі.<br /> — 3/25 Малады Гарбачоў ва ўзросьце 19 гадоў. На лацкане пінжака ў яго ордэн Працоўнага Чырвонага Сьцяга, які Гарбачоў атрымаў за кіраваньне камбайнам на раўнінах поўдня Расеі.

Партрэт Раісы і Міхаіла Гарбачовых, якія пажаніліся ў верасьні 1953 году. Раіса Гарбачова памерла ад лейкеміі ў 1999 годзе.<br /> — 4/25 Партрэт Раісы і Міхаіла Гарбачовых, якія пажаніліся ў верасьні 1953 году. Раіса Гарбачова памерла ад лейкеміі ў 1999 годзе.

Гарбачоў узначальвае дэлегацыю Камуністычнай партыі ў Стаўрапалі ў 1966 годзе. Менавіта ў Стаўрапалі ён пачаў сваю кар'еру ў партыі, якую пасьля ўзначаліць.<br /> — 5/25 Гарбачоў узначальвае дэлегацыю Камуністычнай партыі ў Стаўрапалі ў 1966 годзе. Менавіта ў Стаўрапалі ён пачаў сваю кар'еру ў партыі, якую пасьля ўзначаліць.

Гарбачоў (трэці справа) на сьвяткаваньні ўгодкаў Кастрычніцкай рэвалюцыі ў Стаўрапалі. Фота з 1960-х гадоў. Малады камуніст хутка прасоўваўся па кар'ернай лесьвіцы.<br />
<br /> — 6/25 Гарбачоў (трэці справа) на сьвяткаваньні ўгодкаў Кастрычніцкай рэвалюцыі ў Стаўрапалі. Фота з 1960-х гадоў. Малады камуніст хутка прасоўваўся па кар'ернай лесьвіцы.

Міхаіл Гарбачоў з жонкай Раісай і тагачаснай прэм'ер-міністаркай Вялікай Брытаніі Маргарэт Тэтчэр у 1984 годзе.<br /> — 7/25 Міхаіл Гарбачоў з жонкай Раісай і тагачаснай прэм'ер-міністаркай Вялікай Брытаніі Маргарэт Тэтчэр у 1984 годзе.

Першая сустрэча Міхаіла Гарбачова з 40-м прэзыдэнтам Злучаных Штатаў Амэрыкі Рональдам Рэйганам у Жэнэве ў лістападзе 1985 году. Гарбачоў быў абраны генэральным сакратаром Камуністычнай партыі ў сакавіку 1985 году.<br /> — 8/25 Першая сустрэча Міхаіла Гарбачова з 40-м прэзыдэнтам Злучаных Штатаў Амэрыкі Рональдам Рэйганам у Жэнэве ў лістападзе 1985 году. Гарбачоў быў абраны генэральным сакратаром Камуністычнай партыі ў сакавіку 1985 году.

З тагачасным кубінскім прэзыдэнтам Фідэлем Кастра ў Крамлі ў сакавіку 1986 году. У той жа год Гарбачоў пачаў сваю ініцыятыву па перабудове (рэструктурызацыі) СССР, якая, як ён спадзяваўся, заахвоціць «ініцыятыву і творчыя намаганьні» і дапаможа вывесьці са стагнацыі савецкую эканоміку<br /> — 9/25 З тагачасным кубінскім прэзыдэнтам Фідэлем Кастра ў Крамлі ў сакавіку 1986 году. У той жа год Гарбачоў пачаў сваю ініцыятыву па перабудове (рэструктурызацыі) СССР, якая, як ён спадзяваўся, заахвоціць «ініцыятыву і творчыя намаганьні» і дапаможа вывесьці са стагнацыі савецкую эканоміку

Міхаіл Гарбачоў і 43-і віцэ-прэзыдэнт ЗША Джордж Буш віншуюць жыхароў Вашынгтону, акруга Калюмбія, падчас афіцыйнага візыту Гарбачова ў ЗША 10 сьнежня 1987 году<br /> — 10/25 Міхаіл Гарбачоў і 43-і віцэ-прэзыдэнт ЗША Джордж Буш віншуюць жыхароў Вашынгтону, акруга Калюмбія, падчас афіцыйнага візыту Гарбачова ў ЗША 10 сьнежня 1987 году

Рэйган і Гарбачоў падпісваюць у Белым доме Дамову аб ракетах сярэдняй і малой далёкасьці (РСМД) у сьнежні 1987 году. У 1988 годзе адбыліся далейшыя рэформы Гарбачова з палітыкай галоснасьці (адкрытасьці), якая дала свабоду слова савецкім грамадзянам<br />
<br /> — 11/25 Рэйган і Гарбачоў падпісваюць у Белым доме Дамову аб ракетах сярэдняй і малой далёкасьці (РСМД) у сьнежні 1987 году. У 1988 годзе адбыліся далейшыя рэформы Гарбачова з палітыкай галоснасьці (адкрытасьці), якая дала свабоду слова савецкім грамадзянам

Гарбачоў вітаецца зь лідэрам Усходняй Нямеччыны Эрыхам Гонэкерам. Гарбачоў прыбыў ва Ўсходні Бэрлін на цырымонію, прысьвечаную 40-годзьдзю заснаваньня Нямецкай Дэмакратычнай Рэспублікі. Фота 6 кастрычніка 1989 году. Празь месяц Бэрлінскі мур абрынуўся і ўсходнія немцы хлынулі на Захад<br /> — 12/25 Гарбачоў вітаецца зь лідэрам Усходняй Нямеччыны Эрыхам Гонэкерам. Гарбачоў прыбыў ва Ўсходні Бэрлін на цырымонію, прысьвечаную 40-годзьдзю заснаваньня Нямецкай Дэмакратычнай Рэспублікі. Фота 6 кастрычніка 1989 году. Празь месяц Бэрлінскі мур абрынуўся і ўсходнія немцы хлынулі на Захад

Міхаіл Гарбачоў цісьне руку папу Яну Паўлу II падчас першай у гісторыі сустрэчы кіраўніка Крамля і пантыфіка ў Ватыкане 1 сьнежня 1989 году.<br /> — 13/25 Міхаіл Гарбачоў цісьне руку папу Яну Паўлу II падчас першай у гісторыі сустрэчы кіраўніка Крамля і пантыфіка ў Ватыкане 1 сьнежня 1989 году.

Тагачасны прэзыдэнт Чэхаславаччыны Вацлаў Гавэл цісьне руку Гарбачову пры абмене дакумэнтамі аб вывадзе савецкіх войскаў з тэрыторыі Чэхаславаччыны. Масква, 26 лютага 1990 году<br />
<br /> — 14/25 Тагачасны прэзыдэнт Чэхаславаччыны Вацлаў Гавэл цісьне руку Гарбачову пры абмене дакумэнтамі аб вывадзе савецкіх войскаў з тэрыторыі Чэхаславаччыны. Масква, 26 лютага 1990 году

Гарбачоў і савецкі міністар замежных спраў Эдуард Шэварнадзэ на сустрэчы з тагачасным канцлерам Заходняй Нямеччыны Гельмутам Колем і міністрам замежных спраў Гансам-Дзітрыхам Геншэрам у ліпені 1990 году абмяркоўваюць умовы ўзьяднаньня Нямеччыны<br /> — 15/25 Гарбачоў і савецкі міністар замежных спраў Эдуард Шэварнадзэ на сустрэчы з тагачасным канцлерам Заходняй Нямеччыны Гельмутам Колем і міністрам замежных спраў Гансам-Дзітрыхам Геншэрам у ліпені 1990 году абмяркоўваюць умовы ўзьяднаньня Нямеччыны

Гарбачоў вітаецца зь людзьмі падчас афіцыйнага візыту ў Вільню, Літва, 30 студзеня 1991 году<br />
<br /> — 16/25 Гарбачоў вітаецца зь людзьмі падчас афіцыйнага візыту ў Вільню, Літва, 30 студзеня 1991 году

17/25 Міхаіл Гарбачоў падчас візыту ў Менск. 26 лютага 1991

18/25 Міхаіл Гарбачоў падчас візыту на Менскі трактарны завод. 28 лютага 1991

Міхаіл Гарбачоў галасуе на рэфэрэндуме, які павінен вырашыць, застанецца Савецкі Саюз адзінай дзяржавай ці не. Масква, 17 сакавіка 1991<br /> — 19/25 Міхаіл Гарбачоў галасуе на рэфэрэндуме, які павінен вырашыць, застанецца Савецкі Саюз адзінай дзяржавай ці не. Масква, 17 сакавіка 1991

Тагачасны прэзыдэнт ЗША Джордж Буш-старэйшы і Міхаіл Гарбачоў абменьваюцца асадкамі пасьля падпісаньня ў Маскве 31 ліпеня 1991 году гістарычнай Дамовы аб скарачэньні стратэгічных узбраеньняў. Гэтая дамова скараціла ядзерныя арсэналы звышдзяржаў амаль на траціну<br /> — 20/25 Тагачасны прэзыдэнт ЗША Джордж Буш-старэйшы і Міхаіл Гарбачоў абменьваюцца асадкамі пасьля падпісаньня ў Маскве 31 ліпеня 1991 году гістарычнай Дамовы аб скарачэньні стратэгічных узбраеньняў. Гэтая дамова скараціла ядзерныя арсэналы звышдзяржаў амаль на траціну

21/25 Прэзыдэнт Расеі Барыс Ельцын і былы прэзыдэнт СССР Міхаіл Гарбачоў на пазачарговай сэсіі Вярхоўнага Савету Расеі ў Маскве 23 жніўня 1991 году

Гарбачоў і былы прэзыдэнт ЗША Рональд Рэйган у каўбойскіх капелюшах на ранча Рэйгана ў Каліфорніі. Ранча дэль Сьела, 2 мая 1992 году. Лідэры мелі адносіны, заснаваныя ня толькі на ўзаемнай павазе, але і на сяброўстве, якое дапамагло пакласьці канец «халоднай вайне»<br /> — 22/25 Гарбачоў і былы прэзыдэнт ЗША Рональд Рэйган у каўбойскіх капелюшах на ранча Рэйгана ў Каліфорніі. Ранча дэль Сьела, 2 мая 1992 году. Лідэры мелі адносіны, заснаваныя ня толькі на ўзаемнай павазе, але і на сяброўстве, якое дапамагло пакласьці канец «халоднай вайне»

Гарбачоў з прэзыдэнтам Расеі Ўладзімірам Пуціным на прэс-канфэрэнцыі ў Шлезьвігу, Нямеччына, у сьнежні 2004 году. Гарбачоў ацаніў анэксію Расеяй украінскага Крыму, як паведамляецца, наступным чынам: «Я б зрабіў тое самае». Аднак пасьля ўварваньня Расеі ва Ўкраіну ў лютым 2022 году ацэнка Гарбачовым яго пераемніка рэзка зьмянілася<br /> — 23/25 Гарбачоў з прэзыдэнтам Расеі Ўладзімірам Пуціным на прэс-канфэрэнцыі ў Шлезьвігу, Нямеччына, у сьнежні 2004 году. Гарбачоў ацаніў анэксію Расеяй украінскага Крыму, як паведамляецца, наступным чынам: «Я б зрабіў тое самае». Аднак пасьля ўварваньня Расеі ва Ўкраіну ў лютым 2022 году ацэнка Гарбачовым яго пераемніка рэзка зьмянілася

З канцлерам Нямеччыны Ангелай Мэркель на выставе ў Бэрліне 24 лютага 2011 году, прысьвечанай 80-годзьдзю Гарбачова.<br /> — 24/25 З канцлерам Нямеччыны Ангелай Мэркель на выставе ў Бэрліне 24 лютага 2011 году, прысьвечанай 80-годзьдзю Гарбачова.

Ляўрэаты Нобэлеўскай прэміі міру (зьлева направа): Лех Валэнса, Міхаіл Гарбачоў, Фрэдэрык Вілем дэ Клерк і Джымі Картэр на панэльнай дыскусіі ў Чыкага ў красавіку 2012 году<br /> — 25/25 Ляўрэаты Нобэлеўскай прэміі міру (зьлева направа): Лех Валэнса, Міхаіл Гарбачоў, Фрэдэрык Вілем дэ Клерк і Джымі Картэр на панэльнай дыскусіі ў Чыкага ў красавіку 2012 году

Гарбачова прынялі б з захапленьнем у любой краіне плянэты, але ён застаўся ў Расеі, дзе яму было надзвычай нялёгка ад масавага неразуменьня і непрыманьня, мяркуе Яўлінскі.

ГЛЯДЗІЦЕ ТАКСАМА:

Той, хто даў свабоду. Міхаіл Гарбачоў на Свабодзе

ГЛЯДЗІЦЕ ТАКСАМА:

Памёр апошні кіраўнік СССР Міхаіл Гарбачоў

Гарбачоў адыграў вырашальную ролю ў ператварэньні вельмі аўтарытарнай і рэпрэсіўнай сыстэмы ў больш асьвечаны рэжым, у якім набіралі сілу тэндэнцыі да плюралізму і дэмакратызацыі, піша The Times. Ён вызваляў зьняволеных і рэабілітаваў дысыдэнтаў, увёў свабоду слова, сходаў і рэлігіі і даў магчымасьць росту для грамадзянскай супольнасьці.

Тым ня менш у Расеі шмат хто вінаваціць яго ў разбурэньні СССР і наступных эканамічных нягодах і крушэньні былой велічы краіны.

«Гарбачоў быў, безумоўна, найярчэйшым палітыкам свайго часу. Але для ўсіх народжаных у Савецкім Саюзе ён застаецца складанай і супярэчлівай гістарычнай постацьцю... Па-хрысьціянску шкада... Гэтак жа, як шкада і тую вялікую краіну, працэсы развалу якой пачаліся якраз у эпоху „перабудовы“ і „новага мысьленьня“ і згулялі на руку тым, хто імкнуўся сьцерці СССР з палітычнай мапы сьвету», — заявіў лідэр ЛДПР Леанід Слуцкі.

ГЛЯДЗІЦЕ ТАКСАМА:

«Вынікам стаў больш бясьпечны сьвет і большая свабода для мільёнаў людзей». Сусьветныя лідэры пра Гарбачова

Міхаіл Гарбачоў. Жыцьцё ў фатаздымках

Той, хто даў свабоду. Міхаіл Гарбачоў на Свабодзе

Памёр апошні кіраўнік СССР Міхаіл Гарбачоў

«Гарбачоў. Рай». Фільм пра першага і апошняга прэзыдэнта СССР. ВІДЭА

На далікатныя тэмы
пішыце нам сюды.

Тэмы гэтага артыкулу

Лінкі ўнівэрсальнага доступу

Сачыце за абнаўленьнямі

«Вынікам стаў больш бясьпечны сьвет і большая свабода для мільёнаў людзей». Сусьветныя лідэры пра Гарбачова

Міхаіл Гарбачоў. Жыцьцё ў фатаздымках

Той, хто даў свабоду. Міхаіл Гарбачоў на Свабодзе

Памёр апошні кіраўнік СССР Міхаіл Гарбачоў

«Гарбачоў. Рай». Фільм пра першага і апошняга прэзыдэнта СССР. ВІДЭА

На далікатныя тэмы пішыце нам сюды.

Тэмы гэтага артыкулу

На далікатныя тэмы
пішыце нам сюды.