Лінкі ўнівэрсальнага доступу

Кіеў: Паветраныя сілы Ўкраіны ня маюць зброі, каб зьнішчаць расейскую авіяцыю над тэрыторыяй Беларусі


Зьнішчаны расейскі верталёт ля вёскі Малы Роган пад Харкавам, Украіна, 13 траўня 2022 года
Зьнішчаны расейскі верталёт ля вёскі Малы Роган пад Харкавам, Украіна, 13 траўня 2022 года

Паветраныя сілы Ўкраіны змогуць атакаваць расейскую авіяцыю, якая падымаецца ў паветра зь беларускіх аэрадромаў або выкарыстоўвае паветраную прастору Беларусі, толькі ў тым выпадку, калі яна будзе перамяшчацца над тэрыторыяй Украіны.

«Мы ня можам яе (авіяцыю) зьнішчаць над тэрыторыяй Беларусі. Гэта занадта далёка, каб мы яе дасталі», — сказаў сьпікер камандаваньня Паветраных сіл Украіны Юры Ігнат.

Паводле яго слоў, расейская авіяцыя патрулюе памежжа з Украінай ад Беларусі да вострава Зьмяіны ў Чорным моры цягам 24 гадзін у суткі.

«Яны перабазоўваюць самалёты з аднаго аэрадрому на іншы, і авіяцыя стала ў іх у ратацыйным рэжыме знаходзіцца на розных межах. Яны выкарыстоўваюць усе без выключэньня аэрадромы Беларусі. Авіяцыя — такая рэч хуткая, магутная, яе можна за лічаныя хвіліны перамясьціць, дысьлякаваць на аэрадромы», — дадаў ён.

«Мы можам іх зьнішчаць толькі тады, калі яны ўвойдуць у зону паражэньня нашай супрацьпаветранай абароны. На сёньня ўсе сродкі, якія мы маем на ўзбраеньні, наймагутнейшыя, якія найбольш далёка страляюць, — гэта комплекс С-300. Далёкасьць пацэльваньня гэтых комплексаў — да 70 кілямэтраў», — патлумачыў Юры Ігнат.

Сьпікер камандаваньня Паветраных сіл Украіны дадаў, што комплексы С-300 стаяць на тэрыторыі Ўкраіны на розных пазыцыях, але не на самай мяжы.

«Таму, калі самалёты будуць залятаць у нашу паветраную прастору, мы, вядома, будзем іх зьнішчаць. Далёкабойных сыстэм у нас, на жаль няма. Комплекс Patriot, пра які ўжо шмат хто гаворыць, ён мае далёкасьць пацэльваньня да 160 кілямэтраў», — патлумачыў Юры Ігнат.

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
  • Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG