Лінкі ўнівэрсальнага доступу

Журналісты высьветлілі імёны больш за 4,5 тысячы загінулых ва Ўкраіне расейскіх вайскоўцаў


Журналісты Расейскай службы ВВС і «Мэдыязоны» па адкрытых крыніцах устанавілі імёны больш за чатыры з паловай тысячы расійскіх вайскоўцаў, якія загінулі на вайне ва Ўкраіне.

У гэтую статыстыку былі ўключаны і грамадзяне Расеі, якія адправіліся ваяваць добраахвотна, заключыўшы кароткатэрміновыя кантракты.

Расея не раскрывае свае страты ў вайне з Украінай. Апошні раз міністэрства абароны паведамляла аб колькасьці загінулых 25 сакавіка. Тады сьцьвярджалася, што Расея страціла 1351 забітымі і 3825 параненымі. Незалежныя дасьледнікі сумняваліся ў гэтых лічбах, заяўляючы, што яны могуць быць прыніжаныя ў разы.

Далёка не пра ўсіх загінулых паведамляецца публічна. Паводле падлікаў дасьледнікаў, пацьверджаны імі сьпіс страт можа ўтрымліваць сама меней на 40-60% менш імёнаў забітых, чым рэальна пахавана ў Расіі.

Журналісты сьцьвярджаюць, што каля 17% загінулых былі афіцэрамі. Кожны пяты загінулы, аб якім паведамляюць, служыў у паветрана-дэсантных войсках. Добраахвотнікі застаюцца «самай хуткарослай» катэгорыяй страт: кожны тыдзень зьяўляюцца паведамленьні аб гібелі 30-40 добраахвотнікаў.

Расія пачала паўнамаштабнае ўзброенае ўварваньне ва Ўкраіну 24 лютага. Акрамя ўласна вайскоўцаў расейскай арміі ва Ўкраіне з расейскага боку ваююць таксама служачыя Расгвардыі, байцы ўзброеных атрадаў так званых «ДНР» і «ЛНР» і найміты прыватных ваенных кампаній.

Паводле Генштабу Ўкраіны, колькасьць загінулых расейскіх вайскоўцаў перавысіла 36 тысяч. Ва ўмовах баявых дзеяньняў цьверджаньні аб стратах бакоў ня могуць быць незалежна правераныя, бакі ваенных канфліктаў схільныя прыніжаць свае страты і завышаць свае.

Украіна свае страты таксама не раскрывае. Дарадца кіраўніка Офісу прэзыдэнта краіны Аляксей Арастовіч у канцы чэрвеня заяўляў, што загінулі каля 10 тысяч вайскоўцаў. Расейскае Мінабароны заяўляла, што Ўкраіна страціла больш за 40 тысяч чалавек.

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
  • Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG