Пра гэта паведамляе прэс-служба баўгарскага ўраду.
Прэмʼер Баўгарыі адзначыў, што на фоне вайны РФ супраць Украіны неабходныя «паскораныя і рэальныя крокі» ў энэргетычнай сфэры, і партнэрства з ЗША «зьяўляецца важнай часткай дасягненьня газавай незалежнасьці Баўгарыі разам з салідарнасьцю з ЭЗ».
«Таксама было дамоўлена ажыцьцявіць рэальныя пастаўкі звадкаванага газу ў Баўгарыю па цэнах, ніжэйшых за „Газпром“, якія пачнуцца ў чэрвені (2022. — РС)», — гаворыцца ў паведамленьні.
Кірыл Петкаў таксама сустрэўся зь дзяржаўным сакратаром ЗША Энтані Блінкенам і абмеркаваў магчымае партнэрства па энэргетычнай дывэрсыфікацыі Баўгарыі і рэгіёну, мадэрнізацыю ўзброеных сіл Баўгарыі, а таксама стабільнасьць і разьвіцьцё Заходніх Балкан.