Лінкі ўнівэрсальнага доступу

Журналіста Свабоды Андрэя Кузьнечыка і бізнэс-аналітыка EPAM Дзяніса Насуру прызналі палітвязьнямі


Андрэй Кузьнечык
Андрэй Кузьнечык

Праваабаронцы прызналі палітвязьнямі адразу 16 чалавек у Беларусі, сярод іх — журналіст Свабоды Андрэй Кузьнечык, бізнэс-аналітык ЕРАМ Дзяніс Насура і шэраг айцішнікаў.

Усяго ў Беларусі на 11 студзеня 978 палітычных зьняволеных.

Праваабаронцы прызналі палітвязьнямі:

  • журналіста Свабоды Андрэя Кузьнечыка,
  • вядучага бізнэс-аналітыка EPAM Дзяніса Насуру,
  • спэцыялістку ў працы з кліентамі А1 Сьвятлану Каленчыц,
  • Мікіту Дзьмітрыева,
  • Фёдара Жэжэлева,
  • Антона Лучкіна,
  • Аляксандра Гашко,
  • намесьніцу дырэктара гімназіі №42 Менску Сьвятлану Хромаву і ейную дачку Яну Хромаву,
  • Сяргея Батуру,
  • дызайнэрку Vizor Games Галіну Семечку,
  • Антона Драздоўскага,
  • жыхара Жлобіна Кірыла Малышэнку,
  • Яўгена Асіпчыка,
  • актывістку Алену Лазарчык, у якой летась забіралі ў прытулак дзіця,
  • і Матвея Гаўрыленку.

Журналіста Свабоды Андрэя Кузьнечыка затрымалі летась 25 лістапада, у ягонай кватэры правялі ператрус, забралі тэхніку і іншыя рэчы. Сілавікі на некалькі хвілін атрымалі доступ да тэлеграм-каналу Радыё Свабода. Двойчы Кузьнечыка каралі адміністрацыйным арыштам, а потым завялі на яго крымінальную справу, артыкул якой невядомы.

Вядучага бізнэс-аналітыка EPAM Дзяніса Насуру затрымалі летась 1 сьнежня. Спачатку ён адбыў адміністрацыйны арышт, потым стала вядома, што на яго завялі крымінальную справу за «арганізацыю дзеяньняў, якія груба парушаюць грамадзкі парадак».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG