Лінкі ўнівэрсальнага доступу

Лукашэнка заявіў, што ўзначаліць Усебеларускі народны сход і хоча атрымаць ад Расеі некалькі дывізіёнаў ракет «Іскандэр»


Расейскі ракетны комплекс «Іскандэр»

Лукашэнка нагадаў, што ў 2021 годзе былі пускі ракет на вучэньнях «Захад-2021».

Пра гэта інфармуе ТАСС.

Аляксандр Лукашэнка заявіў, што хацеў бы атрымаць ад Расеі некалькі дывізіёнаў апэратыўна-тактычных ракетных комплексаў «Іскандэр».

«Мне трэба некалькі дывізіёнаў на заходнім, на паўднёвым напрамку, няхай стаяць. Гэта 500 км [далекасьць пуску], таму што наш „Палянэз“ — да 300 км. Зараз катурхаю вашага прэзыдэнта [Уладзіміра Пуціна], мне трэба тут гэтыя 500-кілямэтровыя ракетныя ўстаноўкі», — сказаў Лукашэнка ў інтэрвію галоўнаму рэдактару расейскага часопісу «Нацыянальная абарона» Ігару Каротчанку.

Лукашэнка нагадаў, што ў бягучым годзе былі пускі ракет на вучэньнях «Захад-2021». «Мы бачым, дзе і ракетай трэба нанесьці ўдар, і «Кропку» (ракетны комплекс) задзейнічаць і [зэнітны ракетны комплекс] «Бук-МБ», — адзначыў ён.

Лукашэнка сказаў, што беларускім ВПК шмат зроблена «і па бронетэхніцы». «Многае і па бронетэхніцы зрабілі, вельмі важная цяпер мабільнасьць, таму мы стварылі машыны на МЗКЦ (Менскі завод колавых цягачоў), бронемашыны, восем-дзевяць чалавек экіпаж, як БТР», — сказаў Лукашэнка.

Паводле слоў Лукашэнкі, у Беларусі «добрая армія, падрыхтаваная і ўзброеная нядрэнна». «Мы чатыры разы мадэрнізавалі свае ўзброеныя сілы. Але ў нас вайна будзе іншая, у нас лясіста-багністая мясцовасьць. І калі супраць нас будзе наземная апэрацыя, нам трэба ўмець ваяваць на зямлі» — сказаў Лукашэнка і дадаў, што «так, ракетамі нас могуць накрыць, але наземную апэрацыю яны ніколі не правядуць у Беларусі — мы да гэтага гатовыя».

Ад Расіі, паводле слоў Лукашэнкі, яму важна ведаць, што яна падтрымае ў цяжкую хвіліну. «Калі будзе цяжка, каб я ведаў, што за сьпінай у мяне ёсьць старэйшы брат, які не дазволіць пакрыўдзіць малодшага», — сказаў Лукашэнка.

Лукашэнка ўзначаліць Усебеларускі народны сход

Таксама Лукашэнка інтэрвію галоўнаму рэдактару расейскага часопісу «Нацыянальная абарона» Ігару Каротчанку заявіў, што ён «павінен адысьці ва Ўсебеларускі народны сход», а пасады прэзыдэнтаў і міністраў пакінуць для «новага пакаленьня». І адзначыў, што цяпер агаворваецца, каб вынесьці на УНС пытаньні фармаваньня Канстытуцыйнага суду, абвяшчэньне вайны і міру, пытаньне імпічмэнту, адпраўкі вайскоўцаў за межы Беларусі, фармаваньне ЦВК і іншыя.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG