Пра гэта паведамляе агенцтва Bloomberg.
Паводле агенцтва, у лісьце, які славенскае старшыняваньне накіравала ў іншыя сталіцы ЭЗ, адзначаецца, што тое, што адбываецца на мяжы Літвы і Беларусі ўяўляе сабой «сур’ёзную пагрозу для бясьпекі» усяго Эўразьвязу. Любляна (сталіца Славеніі) лічыць, што беларускія ўлады «спрыяюць нелегальнай міграцыі і выкарыстоўваюць яе як зброю» супраць суседніх краінаў.
Сёлета ў Літву празь мяжу зь Беларусьсю трапіла больш за 4 тысячы нелегальных мігрантаў, пераважна зь Іраку. Пасьля таго, як Літва стала ўжываць меры па вяртаньні мігрантаў у Беларусь, іх паток павялічыўся і празь польскую мяжу.