За гэта выступілі 48% апытаных, супраць — 20%, астатнія паставіліся да ідэі абыякава або ня вызначыліся з адказам.
Колькасьць прыхільнікаў помніка Сталіну за апошнія 10 гадоў вырасла амаль удвая. У 2010 годзе на аналягічнае пытаньне станоўча адказвалі толькі 25% апытаных, а 36% былі супраць.
Больш за ўсё прыхільнікаў помніка Сталіну — сярод моладзі 18–24 гадоў і людзей старэйшых за 55 гадоў. Пры гэтым у 2010 годзе за помнік Сталіну выступалі толькі 12% апытаных расейцаў ва ўзросьце 18–24 гадоў. Цяпер іх 50%. Колькасьць прыхільнікаў помніка вырасла і ў іншых узроставых групах.
60% апытаных падтрымлівае або хутчэй падтрымлівае стварэньне музэйнага комплексу «Сталін-цэнтар», рэзка супраць толькі 14%.
«За апошняе дзесяцігодзьдзе ў расейскім грамадзтве адбылася пераацэнка постаці Іосіфа Сталіна. Пераважна нэгатыўнае або нэўтральнае стаўленьне да яго асобы, характэрнае для нулявых гадоў, зьмянілася на пераважна станоўчае стаўленьне. Гэтая пераацэнка адбылася ў першую чаргу за кошт істотнай зьмены настрояў моладзі», — адзначае прадстаўнік «Левада-цэнтру» Дзяніс Волкаў.
- Апошнімі гадамі ў шэрагу расейскіх гарадоў былі збудаваныя помнікі Сталіну — як правіла, з ініцыятывы мясцовых аддзяленьняў КПРФ.
- У Беларусі ў 2005 годзе быў адкрыты мэмарыяльны комплекс «Лінія Сталіна».
- У сьнежні 2019 году Аляксандар Лукашэнка ў інтэрвію Аляксею Венядзіктаву заявіў: «Сталіну трэба паставіць помнік у Беларусі за пакт Молатава — Рыбэнтропа».
