Лінкі ўнівэрсальнага доступу

Дайшлі да «Бульвара Няскораных». Яшчэ некалькі каналаў і чатаў у Telegram прызналі «экстрэмісцкімі»


Ілюстрацыйнае фота

«У гэтых групах сыстэматычна разьмяшчаліся экстрэмісцкія матэрыялы, а таксама абразы прадстаўнікоў праваахоўных органаў і дзяржслужачых», — патлумачылі ў Міністэрстве ўнутраных спраў.

Згодна з рашэньнем суду Ленінскага раёну Магілёва, сьпіс «забароненых» папоўнілі віртуальныя супольнасьці «Магілёў 97%», «Бабруйск 97%», «Асіповічы для жыцьця» і «Бульвар Няскораных».

«Для дэстабілізацыі грамадзка-палітычнай сытуацыі ў Беларусі і зьмены канстытуцыйнага ладу ўдзельнікі чатаў рэгулярна заклікалі да масавых беспарадкаў, вулічных пратэстаў, хуліганства, радыкалізацыі, вандалізму, супраціву міліцыянтам, блякаваньня руху на аўтамабільных і чыгуначных дарогах», — гаворыцца ў паведамленьні МУС.

Удакладняецца, што за публікацыю ці рэпост інфармацыі з названых інтэрнэт-рэсурсаў прадугледжана адміністрацыйная адказнасьць і пакараньне ажно да арышту.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG