Лінкі ўнівэрсальнага доступу

Групу тэлеграм-каналаў «НЕХТА» ўключылі ў агульны сьпіс экстрэмісцкіх матэрыялаў


Сьцяпан Пуціла, стваральнік тэлеграм-каналу «NEXTA-Live», якога ў Беларусі абвясьцілі ў вышук.

Падставай для такога рашэньня стала пастанова Партызанскага раённага суду Менска, інфармуе агенцтва «Інтэрфакс-Захад».

У пералік, разьмешчаны на сайце Міністэрства інфармацыі Беларусі, тэлеграм-канал «NEXTA-Live» і яго лягатып уключылі яшчэ 20 кастрычніка. Рэдакцыя каналу тады пераназвала канал у кірылічным варыянце — «HEXTA Live».

Цяпер у сьпіс экстрэмісцкіх матэрыялаў унесьлі ўсю групу каналаў разам зь «HEXTA» і «LUXTA» на падставе рашэньня суду Партызанскага раёну Менску ад 23 лістапада 2020 году.

У лістападзе 2020 году Генпракуратура Беларусі зьвярталася ў Міністэрства юстыцыі Польшчы з просьбай аб выдачы заснавальнікаў і журналістаў тэлеграм-каналаў Сьцяпана Пуцілы і Рамана Пратасевіча. Улады Беларусі ўнесьлі іх у сьпіс арганізацый і фізычных асобаў, якія маюць дачыненьне да тэрарыстычнай дзейнасьці, і завялі супраць іх крымінальныя справы аб масавых беспарадках.

Пуціла і Пратасевіч знаходзяцца ў міждзяржаўным вышуку. Польшча пакуль не адказала на запыт Генпракуратуры Беларусі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG