Лінкі ўнівэрсальнага доступу

Ігару Лосіку працягнулі тэрмін утрыманьня пад вартай на два месяцы


Партрэты Ігара Лосіка, марыі Калесьнікавай і Кацярыны Барысевіч на офісе прадстаўніцтва Літвы ў Эўразьвязе. Брусэль

Ні пра сьледчыя дзеяньні зь яго ўдзелам, ні пра пачатак суду па-ранейшаму ніякіх зьвестак няма.

Палітвязьню і кансультанту Радыё Свабода Ігару Лосіку працягнулі тэрмін утрыманьня пад вартай на два месяцы. Пра гэта стала вядома сёньня, 22 сакавіка. Ігар за кратамі з 25 чэрвеня 2020 году.

«Вось стала вядома толькі, што працягнуты тэрмін утрыманьня пад вартай, — сказала Свабодзе жонка Ігара Дар’я Лосік. — Ці зьвязана гэта з новымі абвінавачаньнямі, я не магу сказаць, на жаль. Але за кратамі Ігар будзе яшчэ мінімум два месяцы, так нам паведамілі».

Такім чынам, тэрмін утрыманьня Ігара Лосіка пад вартай працягнуты да 25 траўня. За кратамі блогер і кансультант Радыё Свабода знаходзіцца 270 дзён.

Па словах жонкі Дар’і, да Ігара пачалі прапускаць лісты, ён атрымаў пошту за пачатак сакавіка.

11 сакавіка Ігару Лосіку прад’явілі новае, ужо трэцяе абвінавачаньне. На знак пратэсту Ігар пашкодзіў сабе запясьце на вачах у адваката і сьледчага, а таксама абвясьціў сухую галадоўку. За гэта Лосіка зьмясьцілі ў карцар сьледчай турмы Жодзіна. Там ён прабыў пяць дзён, чатыры зь якіх трымаў сухую галадоўку.

Па якім артыкуле Лосіку выставілі новыя абвінавачваньні, невядома. Ягоны адвакат Ігара Дзьмітрый Лепрэтар знаходзіцца пад падпіскай аб неразгалошваньні.

Крымінальны перасьлед Ігара Лосіка

На адміністратара суполкі «РБ головного мозга» і фрылансэра-кансультанта Радыё Свабода Ігара Лосіка завялі крымінальныя справы паводле ч. 1 арт. 342 Крымінальнага кодэксу («падрыхтоўка да парушэньня грамадзкага парадку») і ч. 2 арт. 293 («падрыхтоўка да ўдзелу ў масавых беспарадках»).

Лосіка затрымалі 25 чэрвеня 2020 года пасьля ператрусу дома ў Баранавічах. На ягоны тэлеграм-канал «РБ головного мозга» ў той момант былі падпісаныя 167 тысяч чалавек.

Ігар Лосік актыўна асьвятляў падзеі выбараў прэзыдэнта Беларусі. Праваабаронцы прызналі яго палітвязьнем.

15 сьнежня пасьля выстаўленьня другога абвінавачаньня Ігар Лосік абвясьціў галадоўку пратэсту і трымаў яе да 25 студзеня.

11 сакавіка 2021 года Лосіку выставілі новае абвінавачаньне. На знак пратэсту Ігар пашкодзіў сабе запясьце на вачах у адваката і сьледчага, а таксама абвясьціў сухую галадоўку. За гэта Лосіка зьмясьцілі ў карцар сьледчай турмы Жодзіна. Там ён прабыў пяць дзён, чатыры зь якіх трымаў сухую галадоўку.

Па якім артыкуле Лосіку выставілі новыя абвінавачаньні, невядома. Ягоны адвакат Дзьмітрый Лепрэтар пад падпіскай аб неразгалошваньні.

Дома Ігара чакаюць жонка і двухгадовая дачка. Жонка прыяжджала да месца закрытага суду і дзяжурыла каля будынку, нават ня маючы шанцаў зайсьці і пабыць на працэсе.

14 сьнежня ў будынку СІЗА-3 ў Гомлі судзьдзя Мікалай Доля вынес выракі 6 падсудным:

  • Ігару Лосіку прысудзілі 15 гадоў зьняволеньня,
  • Арцёму Сакаву — 16 гадоў,
  • Міколу Статкевічу — 14 гадоў,
  • Дзьмітрыю Папову — 16 гадоў,
  • Сяргею Ціханоўскаму — 18 гадоў,
  • Уладзімеру Цыгановічу — 15 гадоў зьняволеньня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG