Лінкі ўнівэрсальнага доступу

Заклік Ціханоўскай да перамоваў; Жодзіна без вады. Найважнейшае за 18 сакавіка


Сьвятлана Ціханоўская выступае са зваротам, 18 сакавіка 2021

Сьвятлана Ціханоўская выступіла з онлайн-зваротам, у якім заклікала да агульнанацыянальнага галасаваньня за перамовы аб мірным выхадзе з крызісу.

Злучаныя Штаты прывіталі ініцыятыву Сьвятланы Ціханоўскай прагаласаваць у падтрымку перамоў з рэжымам Аляксандра Лукашэнкі пры міжнародным пасярэдніцтве.

Пасьля аварыі на трансфарматарнай падстанцыі БелАЗу ва ўсім Жодзіне адключылі ваду.

«Выразаць гарачым жалезам». Лукашэнка праананасаваў 10 законаў супраць «дэструктыўнай актыўнасьці».

У Дзяржынску працягваліся масавыя ператрусы, затрыманыя некалькі дзясяткаў чалавек.

Працягваюцца суды над палітвязьнямі і ўдзельнікамі пратэстаў супраць фальсыфікацыі выбараў.

Адзінаццаць міжнародных праваабарончых арганізацый, уключаючы Amnesty International, выступілі з сумеснай заявай, у якой запатрабавалі ад беларускіх уладаў спыніць перасьлед праваабаронцаў.

Нарвэскі саюз пісьменьнікаў уручыў прэмію «За свабоду слова» 2020 году беларускім паэтам Дзьмітрыю Строцаву і Ганьне Комар.

Прэзыдэнт Літвы Гітанас Наўседа і Ўкраіны Уладзімір Зяленскі дамовіліся аб каардынацыі і сынхранізацыі дзеяньняў у сфэры энэргетычнай бясьпекі, у тым ліку і датычна Беларускай атамнай электрастанцыі.

Амбасадара Расеі ў Вашынгтоне Анатолія Антонава адклікалі ў Маскву на кансультацыі, гэта адбылося пасьля інтэрвію прэзыдэнта ЗША Джо Байдэна, у якім той сьцьвярджальна адказаў на пытаньне, ці лічыць ён прэзыдэнта Пуціна забойцам.

У Армэніі на тле ўнутрыпалітычнага крызісу, выкліканага канфліктам паміж прэм’ер-міністрам Ніколам Пашыньянам, вайскоўцамі і апазыцыяй, абвясьцілі аб правядзеньні датэрміновых парлямэнцкіх выбараў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG