Лінкі ўнівэрсальнага доступу

Ініцыятыўнай групе правядзеньня рэфэрэндуму пра лёс акумулятарнага заводу адмовілі ў рэгістрацыі, нягледзячы на абяцаньні Лукашэнкі


Пратэст супраць вытворчасьці акумулятараў каля Берасьця, архіўнае фота.

Тэльмінскі сельскі выканкам адмовіў у рэгістрацыі ініцыятыўнай групы дзеля правядзеньня рэферэндуму пра лёс акумулятарнага заводу пад Берасьцем.

Пра гэта агенцтву БелаПАН паведаміў берасьцейскі праваабаронца Раман Кісьляк.

Паводле яго словаў, чыноўнікі аргумэнтавалі адмову тым, што ў іх кампэтэнцыю не ўваходзіць пытаньне разьмяшчэньня і эксплюатацыі заводу.

Летась 22 чэрвеня Аляксандар Лукашэнка падчас сустрэчы з грамадзкасьцю Берасьця, на якой прысутнічалі і праціўнікі прадпрыемства, паабяцаў правесьці рэфэрэндум адразу пасьля прэзыдэнцкіх выбараў.

У кастрычніку пра надзённасьць і актуальнасьць пытаньня казала і кіраўніцтва Берасьцейскага аблвыканкаму.

Аднак напярэдадні стала вядома, што адмысловая міжведамасная камісія прызнала вытворчасьць «бясьпечнай і надзейнай». Іншымі словамі, перашкодаў для аднаўленьня дзейнасьці няма.

Адзін з уладальнікаў «Акумулятарнага Альянсу», які займаецца ўзьвядзеньнем і эксплюатацыяй аб’екта, — хакейны функцыянэр Дзьмітры Баскаў, падазраваны ў датычнасьці да выкраданьня актывіста і мастака Рамана Бандарэнкі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG