Лінкі ўнівэрсальнага доступу

У Эўразьвязе хочуць зьмякчыць танальнасьць адносінаў з Масквой


Вярхоўны прадстаўнік ЭЗ па зьнешняй палітыцы Жузэп Бурэль і міністар замежных спраў РФ Сяргей Лаўроў у Маскве, люты 2021

Агенцтва Bloomberg паведаміла, што некаторыя высокапастаўленыя эўрапэйскія чыноўнікі, у тым ліку і зь Нямеччыны, патрабуюць адмовіцца ад «ваяўнічай стратэгіі» ў адносінах у Масквой.

У час, калі рыхтуецца новая стратэгія ЭЗ па Расеі, некаторыя высокапастаўленыя эўрапейскія чыноўнікі, у тым ліку зь Нямеччыны, у прыватных перамовах настойваюна пераходзе да «менш ваяўнічаага» тону ў дыялёгу з Масквой, паведамляе DW са спасылкай на агенцтва Bloomberg.

Аднак іншыя эўрапейскія дзеячы перакананыя, што адмова ад жорсткай пазыцыі пагоршыць сытуацыю.

Паводле Bloomberg, амбасадар ЭЗ у Маскве, нямецкі юрыст і дыплямат Маркус Эдэрэр, падчас вячэры зь вярхоўным прадстаўніком ЭЗ па зьнешняй палітыцы Жузэпам Бурэлем і іншымі высокапастаўленымі эўрапейскімі чыноўнікамі 8 сакавіка настойваў, што жорсткі падыход да Расеі «састарэў» і празьмерна прывязаны да ўкраінскага канфлікту.

Прэс-сакратар Бурэля Набіла Масралі адмовілася камэнтаваць гэтую сустрэчу, адзначыўшы, што міністры замежных спраў краінаў-членаў Эўразьвязу адзіныя ў тым, што пяць асноўных прынцыпаў у адносінах з Расеяй застаюцца, як і раней, актуальнымі, таксама, як і «неабходнасьць прымяненьня шырокага падыходу да процідзеяньня Расеі, яе стрымліваньня, а таксама ўзаемадзеяньне зь ёй там, дзе гэта неабходна».

Пад пяцьцю асноўнымі прынцыпамі ва ўзаемаадносінах з Расеяй маюцца на ўвазе поўнае выкананьне мірных пагадненьняў, якія б паклалі канец маштабным баявым дзеяньням на ўсходзе Ўкраіны, умацаваньне сувязяў з былымі суседзямі Расеі па Савецкім Саюзе, супрацьстаяньне пагрозам з боку Расеі, а таксама выбарачнае супрацоўніцтва з РФ па такіх тэмах, як барацьба з тэрарызмам.

Прапановы абмеркаваць магчымасьці для «выбарчага супрацоўніцтва з Расеяй» гучалі і на сустрэчы амбасадараў краінаў-членаў ЭЗ 10 сакавіка, піша Bloomberg.

Так, Нямеччына хацела б зрабіць абарону клімату адной са сфэраў для сумеснай працы, а Італія выступіла за эканамічнае супрацоўніцтва. Не выключана, што такія варыянты будуць абмяркоўвацца на саміце ЭЗ, які пройдзе 25-26 сакавіка.

  • У лютым Жузеп Бурель падвергся жорсткай крытыцы пасьля свайго візыту ў Маскву, нягледзячы на сытуацыю вакол арышту апазыцыйнага палітыка Аляксея Навальнага. Незадаволенасьць шмат каго ў ЭЗ выклікала і тое, што Бурэль ня даў жорсткага адказу на словы міністра замежных спраў РФ Сяргея Лаўрова пра тое, што ЭЗ зьяўляецца для Расеі «ненадзейным партнэрам».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG