Лінкі ўнівэрсальнага доступу

Фанаскапічная экспэртыза пацьвердзіла — галасы ў размове пра Рамана Бандарэнку сапраўды належаць Шакуту і Баскаву


Мэмарыял Рамана Бандарэнкі на месцы, дзе яго затрымалі. Менск
Мэмарыял Рамана Бандарэнкі на месцы, дзе яго затрымалі. Менск

Прайшоў месяц з дня трагічнай гібелі Рамана Бандарэнкі ў Менску. Фанаскапічная экспэртыза, замоўленая Tut.by, пацьвердзіла, што на «зьлітай» у сеціва размове пра абставіны яго затрыманьня сапраўды галасы Дзьмітрыя Баскава і Дзьмітрыя Шакуты.

Афіцыйна ніхто не аспрэчыў сапраўднасьць размовы, а Tut.by замовіў дасьледаваньне, якое павінна было паказаць, ці не мантажавалі размову і ці сапраўды на запісе гучаць галасы спартовых функцыянэраў.

Дасьледаваньне выканала расейская спэцыялістка Эла Баргаякава. Яна судовы экспэрт і займаецца фанаскапічнымі дасьледаваньнямі больш як 10 гадоў.

Выснова экспэртызы катэгарычная — галасы на аўдыёзапісе належаць менавіта Шакуту і Баскаву. Прыкмет мантажу ня выяўлена. А ў маўленьні суразмоўцаў выявілі цэлы шэраг прыкметаў, характэрных менавіта для спантаннай, а не падрыхтаванай загадзя размовы.

Шэраг дэталяў паказвае на тое, што ўдзельнікі дыялёгу валодаюць інфармацыяй пра падзеі 11 лістапада на «плошчы Пераменаў». У прыватнасьці, агучваецца інфармацыя, якая магла быць пачута ад самога Рамана Бандарэнкі ў той вечар.

Фанаскапічная экспэртыза — адзін з элемэнтаў вялікага журналісцкага расьсьледаваньня, якое апублікаваў Tut.by у месяц пасьля гібелі Рамана Бандарэнкі.

Журналістка Tut.by Кацярына Барысевіч, якая апублікавала матэрыял пра тое, што Бандарэнка быў цьвярозы ў момант ягонага выкраданьня, знаходзіцца пад вартай. Як і лекар Арцём Сарокін, які паказаў выпіску пра адсутнасьць алькаголю ў крыві Бандарэнкі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG