Ужо сёньня: дзень народзінаў Піліпа Пестрака

Дата дня

27 лістапада 1903 году нарадзіўся Піліп Пестрак, беларускі паэт, празаік, публіцыст, крытык. Быў арыштаваны польскімі ўладамі ў 1929 годзе і да 1933 году знаходзіўся ў Гарадзенскай турме.

Пасьля вызваленьня працаваў у Камуністычнай партыі Заходняй Беларусі па Пінскай акрузе, за што быў зноў арыштаваны ў 1934 годзе. Піліп Пестрак быў вызвалены савецкімі ўладамі пасьля паходу Чырвонай Арміі ў Заходнюю Беларусь у верасьні 1939 году.

Таксама ў гэты дзень

1095 — папа Урбан II абвясьціў Сьвятую вайну супраць ісламу на Сьвятой зямлі, што стала ўвядзеньнем Першага крыжовага паходу.

1654 — падчас вайны Расеі з Рэччу Паспалітай расейскія войскі занялі Віцебск.

1859 — у Менску была адкрытая паштова-тэлеграфная станцыя.

1895 — Альфрэд Нобэль падпісаў свой тэстамэнт, паводле якога яго спадчына паступіла ў фонд Нобэлеўскай прэміі.

ГЛЯДЗІЦЕ ТАКСАМА:

Нобэлеўскую прэмію 2020 году ў мэдыцыне далі за адкрыцьцё вірусу гепатыту С

1920 — Першы Слуцкі полк Беларускай Народнай Рэспублікі ўступіў у бой з бальшавікамі за незалежнасьць Беларусі.

1989 — Вярхоўны Савет СССР санкцыянуе права на эканамічнае самавызначэньне Літвы, Латвіі і Эстоніі.

1996 — Аляксандрам Лукашэнкам спыненая дзейнасьць Вярхоўнага Савету Рэспублікі Беларусь 13-га скліканьня.

ГЛЯДЗІЦЕ ТАКСАМА:

Чаму Лукашэнка перамог у 1996 годзе?

1996 — з тэрыторыі Беларусі быў выведзены апошні эшалён зь ядзернымі ракетамі РС-12М «Топаль».

У гэты дзень нарадзіліся

1874 — Хаім Вэйцман, першы прэзыдэнт Ізраілю, ураджэнец Беларусі.

1900 — Вячаслаў Лаўскі, беларускі грамадзка-палітычны дзяяч.

1921 — Уладзімер Тарасевіч, беларускі уніяцкі біскуп, манах-бэнэдыктынец, доктар тэалёгіі.

1947 — Эдуард Белагураў, беларускі мастак.

1947 — Анатоль Цітоў, беларускі гісторык, геральдык.

ГЛЯДЗІЦЕ ТАКСАМА:

Грабеншчыкоў, Седакова, Шаўчук. Вернікі і сьвятары РПЦ падтрымалі беларусаў

1953 — Барыс Грабеншчыкоў, расейскі паэт і музыка.

1960 — Юлія Цімашэнка, украінскі палітык.

У памяці

1895 — памёр францускі пісьменьнік Аляксандар Дзюма-сын.

1932 — памёр Дамінік Сямашка, польскі, беларускі і літоўскі палітычны дзяяч. Выступаў за аднаўленьне ВКЛ у межах на 1772 год са значнай аўтаноміяй для беларусаў. Быў зьвязаны зь віленскімі масонскімі ложамі «Літва» і «Беларусь».

1938 — у Менску быў расстраляны Сымон Рак-Міхайлоўскі, беларускі публіцыст і палітычны дзяяч. У 1922 годзе Рак-Міхайлоўскі быў абраны дэпутатам сэйму Другой Рэчы Паспалітай ад Блёку Нацыянальных Меншасьцяў, зьяўляўся сябрам Таварыства беларускай школы.

990 — памёр Восіп Любіч, францускі мастак беларускага паходжаньня.