Дзяржаўнае прадпрыемства «Менсктранс» абвясьціла аб аднаўленьні штодзённых аўтобусных рэйсаў на маршруце Менск —Варшава ад 10 ліпеня.
Аўтобусы будуць выпраўляцца зь Менску штодзень у 00:10, з Варшавы — у 23:00. На рэйсы пусьцяць аўтобусы мадэляў Iveco IRISBUS Magelys PRO і МАЗ-251.
Тым часам рэйсы між Менскам і Варшавай ужо ладзяць кампаніі Biacomex, Ecolines, Eurobus-Sindbad, Intercars і іншыя.
Ды пакуль праз абмежаваньні ў сувязі з пандэміяй каранавірусу ў Польшчу могуць заехаць зь Беларусі толькі грамадзяне Польшчы і краінаў Эўразьвязу, уладальнікі «карты паляка» або віду на жыхарства ў Польшчы, навучэнцы польскіх навучальных установаў і некаторыя іншыя катэгорыі людзей, але ня ўсе ахвочыя.