Афіцыйны прадстаўнік Сьледчага камітэту Ільля Басько пракамэнтаваў Tut.by сытуацыю.
«Увечары 10 чэрвеня пры руху самаходнага вагона на ТАА „Беларуськалій“ быў сьмяротна траўмаваны 21-гадовы рабочы. Паводле інфармацыі Сьледчага камітэту, акрамя яго пры гэтым ніхто не пацярпеў», — паведаміў Басько.
Цяпер высьвятляюцца акалічнасьці здарэньня, сьледча-апэратыўная група ўжо правяла агляд месца здарэньня, апытала відавочцаў і прызначыла судова-мэдыцынскую экспэртызу.
Раней у сацыяльных сетках зьявілася інфармацыя, што надзвычайнае здарэньне адбылося на шахце 4-га рудаўпраўленьня на гарызонце 670 ПДУ-5.
Падобнае здарэньне было на прадпрыемстве ў сакавіку: машына для перавозкі пасажыраў сутыкнулася з цаліком горнай выпрацоўкі, загінуў рабочы, яшчэ 7 чалавек пацярпелі, распачалі крымінальную справу.
