Лінкі ўнівэрсальнага доступу

У школах адмянілі лінейкі, але не ва ўсіх. Міністэрства адукацыі: вырашаюць дырэктары


Апошні званок, ілюстрацыйнае фота

У Менску 29 траўня прагучалі апошнія званкі, пасьля гэтага заняткаў ня будзе. У рэгіёнах Беларусі яны пройдуць заўтра, 30 траўня. У некаторых школах апошні званок сёлета прагучаў онлайн.

Каранавірус у Беларусі і ў сьвеце. Як разьвіваюцца падзеі >>

Сёлета Міністэрства адукацыі Беларусі рэкамэндавала школам не праводзіць выпускных лінеек праз эпідэмічную сытуацыю. Аднак рэкамэндацыяй скарысталіся ня ўсе.

У гімназіі №23 у Менску сёлета выпускаецца адна кляса, фармат імпрэзаў з нагоды канца заняткаў істотна зьмяніўся. Урачыстая цырымонія сёлета праходзіць онлайн, сказала дырэктарка гімназіі Ірына Пасюкевіч.

У 19-й і 91-й сярэдніх школах ад урачыстых падзей сёлета адмовіліся.

«Зайшлі ў клясу, павіншавалі, у званочак пазванілі — і ўсё. Але дзяцей сёньня вельмі мала», — расказалі ў прыёмнай сярэдняй школы №91 гораду Менску пра свой апошні званок.

Міністэрства адукацыі Беларусі рэкамэндавала школам ня ладзіць сёлета выпускных лінеек, а ўсе сьвяточныя імпрэзы з нагоды заканчэньня навучальнага году правесьці 10-11 чэрвеня разам з уручэньнем атэстатаў.

«Гэта наша рэкамэндацыя, а вырашаць адміністрацыям школаў. Калі яны вырашаць праводзіць лінейкі, то трэба рабіць іх з захаваньнем санітарных стандартаў падчас эпідэміі», — патлумачыла Свабодзе прэсавая сакратарка Міністэрства адукацыі Людміла Высоцкая. На яе думку, лінеек у школах Беларусі сёлета амаль ня будзе.

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG