Лінкі ўнівэрсальнага доступу

Берасьце і Горадня аднаўляюць аўтобусныя зносіны з польскімі гарадамі 


Бязьлюдны дзелавы центар Варшавы ў пэрыяд пандэміі
Бязьлюдны дзелавы центар Варшавы ў пэрыяд пандэміі

Міжнародныя рэйсы фармуюцца польскімі перавозчыкамі, спасылаецца БелТА на начальніка Берасьцейскага аўтавакзалу Мікалая Радзюка. Аўтобусы ідуць у Бельск-Падляскі, Варшаву і Гданьск.

Каранавірус у Беларусі і ў сьвеце. Як разьвіваюцца падзеі >>

Салёны запаўняюцца на 50%. Рассадка пасажыраў — згодна з рэкамэндаванай эпідэміёлягамі дыстанцыяй: на два крэслы прадаецца адзін квіток.

У пасажыраў на руках павінны быць дакумэнты, якія пацьвярджаюць паездку — віза, дазвол на працу і г. д. Таксама ўсіх папярэджваюць пра неабходнасьць захаваньня карантыну.

Паводле начальніка аўтавакзала, у сувязі з асаблівасьцямі эпідэміялагічнай сытуацыі расклад рэйсаў можа мяняцца.

«Адкрыцьцё рэйсаў адбываецца ледзь ня штогадзіны. Паступае інфармацыя ад перавозчыка, мы ўводзім рэйс у расклад і пачынаем продаж квіткоў», — адзначыў Мікалай Радзюк.

З Горадні ў Польшчу таксама можна трапіць на польскім аўтобусе кампаніі TeamBusTravel, перадае горадзенскі аўтапартал. Рэйсы на Варшаву з паркоўкі чыгуначнага вакзалу ажыцьцяўляюцца тройчы на тыдзень (па аўторках, суботах і нядзелях). Паслугай пераважна карыстаюцца кіроўцы, якія маюць права працаваць у Польшчы.

Дзяржаўныя аўтобусы ў Горадні паездак за заходнюю мяжу пакуль не аднавілі.

Што трэба ведаць пра новы каранавірус, які выклікае COVID-19

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG