Лінкі ўнівэрсальнага доступу

Дырэктар «Амкадор-Пінск» у рэанімацыі на апараце ШВЛ


Ілюстрацыйнае фота

Дырэктар ЗАТ «Амкадор-Пінск» Міхаіл Бут-Гусаім знаходзіцца ў рэанімацыі на апараце штучнай вэнтыляцыі лёгкіх у інфэкцыйным аддзяленьні Пінскай бальніцы. Гэтую інфармацыю карэспандэнту Свабоды пацьвердзілі ў адміністрацыі прадпрыемства.

Каранавірус у Беларусі і ў сьвеце. Як разьвіваюцца падзеі >>

Дырэктару зрабілі тэст на каранавірус, але вынікаў яшчэ няма. Ён ужо тыдзень як хварэе, а ў лякарні з суботы.

«Калі ён выйдзе на працу, невядома, цяпер ён у стабільным стане, робяцца ўсе захады па яго лекаваньні».

Як паведамілі Свабодзе неафіцыйныя крыніцы, дырэктару стала дрэнна пасьля ўскладаньня кветак на 9 траўня. Хуткая на выклік не выяжджала, прыйшоў участковы тэрапэўт, паслухаў лёгкія. У суботу хвораму пагоршала, тэмпэратура паднялася да 41,5. Яго забралі ў лякарню і падключылі да ШВЛ, узялі тэст на каранавірус.

У адміністрацыі прадпрыемства не пацьвердзілі, што амаль усё кіраўніцтва цяпер на бальнічным. Аднак там сказалі, што сёньня закрыў бальнічны галоўны інжынэр прадпрыемства, але ў яго «была прастуда». У панядзелак ён выйдзе на працу.

У пятніцу на прадпрыемстве будзе прастой.

«Прастой — гэта выключна ўнутраны момант, гэта зьвязана зь несвоечасовай пастаўкай камплектуючых, бо стаіць уся Эўропа, але заказаў вельмі многа», — сказалі ў адміністрацыі «Амкадор-Пінск».

Там таксама кажуць, што на прадпрыемстве ніхто не хварэе на каранавірус: «Ніводнага пацьверджанага выпадку ў нас няма».

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG