Лінкі ўнівэрсальнага доступу

БТ прызнала тое, чаго нібыта не было: успышку пнэўманій і каранавірусу ў Докшыцах. ВІДЭА


Докшыцы, машына хуткай дапамогі, архіўнае фота

У Докшыцах у красавіку была зафіксаваная ўспышка захворваньняў на пнэўманію. Аднак улады катэгарычна адмаўлялі, што пнэўманіі зьвязаныя з COVID-19.

Каранавірус у Беларусі і ў сьвеце. Як разьвіваюцца падзеі >>

Цяпер дзяржаўны тэлеканал «Беларусь-1» вуснамі докшыцкіх лекараў паведамляе, што колькасьць выпадкаў пнэўманіяў, у тым ліку выкліканых каранавірусам, «зьнізілася на 60%». Да якога пэрыяду адносіцца заява пра 60%, не ўдакладняецца.

На пачатку красавіка мясцовыя жыхары і недзяржаўныя СМІ забілі трывогу: у Докшыцах з насельніцтвам 7 тысяч чалавек было зафіксавана 85 выпадкаў пнэўманіі.

17 красавіка афіцыйныя ўлады афіцыйна пацьвердзілі наяўнасьць 72 пацыентаў з COVID-19 у Докшыцах. Пра гэта паведаміў начальнік Упраўленьня здароўя Віцебскага аблвыканкаму Міхаіл Вішнявецкі. У той жа дзень падчас прэсавай канфэрэнцыі міністар здароўя Ўладзімер Каранік заявіў, што ў Докшыцах лябараторна пацьверджана толькі 20 выпадкаў COVID-19.

За два папярэднія тыдні ў Докшыцах памерлі прынамсі 9 чалавек, у якіх была пнэўманія — гэту інфармацыю Свабодзе пацьвердзілі сваякі памерлых. 22 красавіка стала вядома пра сьмерць 45-гадовай мэдсястры Ксеніі Р., якая працавала ў Докшыцкім цэнтральным раённым шпіталі. У выніку ў Докшыцах школы перайшлі на дыстанцыйнае навучаньне.

13 траўня карэспандэнтка БТ паведаміла, што ў Докшыцах аддзяленьні, перапрафіляваныя пад лячэньне пацыентаў з COVID-19, вяртаюцца да звычайнага рэжыму працы. Лекары і сярэдні мэдпэрсанал ідуць у адпачынкі — пнэўманію і каранавірус у раёне нібыта перамаглі.

Словы карэспандэнткі пацьвярджаюць у эфіры БТ галоўны лекар Докшыцкага шпіталя Сяргей Кубор і загадчыца тэрапэўтычнага аддзяленьня Аксана Юнцэвіч.

8 траўня галоўны лекар Докшыцкага цэнтральнага раённага шпіталя Сяргей Кубар казаў «СБ. Беларусь сегодня», што падобных сытуацыяў за 25 год працы ён не прыгадвае: хіба штосьці падобнае было ў 2009-м падчас эпідэміі сьвінога грыпу, але «там іншая спэцыфіка, ды і ўскладненьні прасьцей паддаваліся лячэньню».

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG