Лінкі ўнівэрсальнага доступу

«На гармоніку граў 2 тыдні». Падазрэньне на каранавірус у санаторыі МУС на Нарачы


Санатроый «Белая Русь» на Нарачы, архіўнае фота
Санатроый «Белая Русь» на Нарачы, архіўнае фота

Санаторый «Белая Русь» на Нарачы, які належыць Міністэрству ўнутараных спраў, прыпыніў прыём адпачывальнікаў, бо ў аднаго з пацыентаў падазраюць каранавірус.

«Так, пакуль нікога не прымаем і, хутчэй за ўсё, часова закрыемся», — сказала супрацоўніца санаторыя. Паводле яе, інфікаваны — пэнсіянэр зь Віцебску.

«Ён у нас два тыдні адпачываў: як выходзіў на балькон, усё на гармоніку граў», — успомніла работніца санаторыя пра захварэлага.

Санаторый «Белая Русь» разьлічаны на больш як 200 чалавек. Паводле работнікаў санаторыя, у ім яшчэ засталіся адпачывальнікі, але паступова людзі зьяжджаюць.

Дырэктар санаторыя «Белая Русь» Уладзімер Баравы сказаў карэспандэнту Свабоды, што хворага пэнсіянэра ўжо вывезьлі адтуль, але не ўдакладніў, куды.

«Яго вывезьлі ад нас з тэмпэратурай. Дыягназ паставілі — двухбаковая пнэўманія. А далей правяраюць. Афіцыйнага адказу ў нас пакуль няма. Афіцыйны дыягназ будзе ў мэдыкаў», — сказаў дырэктар санаторыя «Белая Русь» спадар Баравы і паклаў слухаўку.

***

Паводле афіцыйных зьвестак, у Беларусі на 6 раніцы 9 красавіка (магчыма, статыстыка актуальная на вечар 8-га) прызнаныя 1468 выпадкаў COVID-19, памерлі 16 чалавек, выпісаныя здаровымі 139.

Што трэба ведаць пра новы каранавірус з Кітаю

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG