Лінкі ўнівэрсальнага доступу

Канапацкая выйшла да Дому ўраду, каб у Беларусі ўвялі карантын. ВІДЭА

абноўлена

Ганна Канапацкая насупраць Дому ўраду ў Менску

Былая дэпутатка Палаты прадстаўнікоў Ганна Канапацкая 16 сакавіка зладзіла адзіночны пікет каля Дому ўраду ў Менску.

Мэта пікету: увядзеньне карантыну і закрыцьцё беларускіх межаў праз пандэмію каранавірусу.

«Я лічу, што яшчэ ўчора трэба было прымаць больш рашучыя захады, каб спыніць пашырэньне эпідэміі вірусу. Калі на гэта пайшлі ўсе разьвітыя краіны сьвету, узровень аховы здароўя ў якіх вышэйшы за Беларусь, то напэўна Беларусі ня трэба было заставацца ў баку», – сказала Канапацкая.

Паводле Канапацкай, карантын мае на ўвазе ня толькі сацыяльную ізаляцыю, але і адказнасьць кожнага, а таксама закрыцьцё межаў. Беларусь застаецца адзінай краінай у Эўропе, дзе не закрылі авіязносіны з краінамі, дзе абвясьцілі карантын, сказала Канапацкая.

Падчас пікету Канапацкая 12 сэкунд пратрымала плякат «Карантын! Covid-19». На плошчы Незалежнасьці палітык знаходзілася каля 10 хвілін. Яна сышла ад Дому ўраду пасьля заўвагі міліцыянта, «каб не нарывацца».

«Я лічу, што ў прынцыпе, калі сёньня гэта сёньня не прынясе плёну, то можа заўтра пасьля заўтра. Можа быць заўтра мы павінны быць з вамі ў масках, каб паказаць, што мы ня проста кажам, а робім меры, каб гэта спыніць», — сказала Канапацкая.

Што трэба ведаць пра новы каранавірус COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

22 новыя адказы пра каранавірус ад Сусьветнай арганізацыі здароўя, мэдычных аўтарытэтаў і з найлепшай практыкі

Пашырэньне каранавірусу ў сьвеце. Гадзіна за гадзінай

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG