Лінкі ўнівэрсальнага доступу

Сэнатарка Клобушар выйшла з прэзыдэнцкай гонкі ў ЗША і падтрымала Байдэна


Эмі Клобушар

Сэнатарка ад Дэмакратычнай партыі Эмі Клобушар выйшла з прэзыдэнцкай гонкі ў ЗША і падтрымала былога віцэ-прэзыдэнта Джо Байдэна, паведамляе Бі-бі-сі.

Раней сваю кандыдатуру з праймэрыз Дэмакратычнай партыі зьняў былы мэр Піт Бутыджэдж пасьля таго, як на праймэрыз у Паўднёвай Караліне Байдэн перамог зь вялікім адрывам. Як паведаміла агенцтва Reuters са спасылкай на дарадцу кампаніі Бутыджэджа, ён таксама падтрымае былога віцэ-прэзыдэнта.

За час ранейшых праймэрыз Бутыджэдж атрымаў 26 галасоў дэлегатаў у штаце Аёва. Акрамя яго, галасы дэлегатаў здабылі ў іншых штатах дэмакратычны сацыяліст Бэрні Сандэрс (60 дэлегатаў) і цэнтрыст Джо Байдэн (54), а таксама сэнатаркі Элізабэт Уорэн і Эмі Клобушар (8 і 7 адпаведна).

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG