Лінкі ўнівэрсальнага доступу

Нафтаправод «Дружба» адрамантавалі, пастаўкі расейскай нафты ў Польшчу аднавілі


Ілюстрацыйнае фота

Кампанія «Гомельтранснафта Дружба» завяршыла рамонт участку нафтаправоду з Мазыра да Берасьця, піша «Інтэрфакс». Цяпер расейская нафта ідзе ў Польшчу ў поўным аб’ёме.

Рамонт пачалі 14 студзеня і меркавалі праводзіць да 17-га, замяніць сэкцыі трубаправоду сумарнай працягласьцю 40 мэтраў, бо на небясьпечных участках выявілі «значнае скопішча аднародных дэфэктаў». Падчас рамонту транзыт расейскай нафты на захад не спыняўся, але ішоў у меншых аб’ёмах.

У расейскай кампаніі «Транснефть» казалі, што беларусы папярэдзілі пра рамонт і такія работы праходзяць рэгулярна, але звычайна не анансуюцца. У польскай кампаніі PERN пацьвердзілі, што перапампоўка расейскай нафты празь Беларусь ідзе паводле графіку.

Рамонт супаў па часе са спрэчкамі Беларусі і Расеі пра пастаўкі нафты. Але «Транснефть» была ўпэўненая, што Беларусь ня стане спыняць транзыту нафты, бо атрымлівае за гэта немалыя грошы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG