Прэзыдэнт Расеі Уладзімір Пуцін выказаў меркаваньне, што практыка неабмежаванага пажыцьцёвага кіраўніцтва, як гэта было ў позьнесавецкі пэрыяд, не вырашае задачы забесьпячэньня трансфармацыі ўлады і стабільнасьці краіны.
Пра гэта ён заявіў у суботу ў Санкт-Пецярбургу падчас размовы з вэтэранамі Вялікай Айчыннай вайны, паведамляе ТАСС.
На сустрэчы адзін з вэтэранаў папрасіў Пуціна «вырашыць некаторыя праблемы, зьвязаныя з нашай канстытуцыяй», каб паўнамоцтвы прэзыдэнта не «абмяжоўваліся канкрэтным тэрмінам».
Пуцін у адказ заявіў, што трывожна было б вярнуцца ў сытуацыю сярэдзіны 80-х гадоў, калі кіраўнікі дзяржавы адзін за адным, да канца сваіх дзён застаючыся ва ўладзе.
«Таму вам дзякуй, але думаю, што лепш да такога, да такой сытуацыі, якая была ў сярэдзіне 80- х гадоў, лепш не вяртацца», — сказаў на заканчэньне Пуцін.
