Удзельнікі і прыхільнікі экстрэмісцкай групоўкі «Ісламская дзяржава», усяго 241 чалавек, здаліся ўладам у правінцыі Нангархар на ўсходзе Аўганістану, перадае агенцтва Сіньхуа са спасылкай на армейскае камандаваньне.
Адзначаецца, што сярод тых, хто перайшоў на бок аўганскіх уладаў, ня толькі мужчыны — іх 71, а таксама 63 жанчыны і 107 дзяцей. Яны здаліся ў раёнах Ачын і Махман-Дара.
Былыя прыхільнікі «Ісламскай дзяржавы» таксама перадалі сілам бясьпекі 67 адзінак зброі.
Як заявілі мясцовыя чыноўнікі, цяперашняя група чальцоў тэрарыстычнай групоўкі — самая вялікая ў рэгіёне за апошнія два гады.