Экстрэмісцкая групоўка «Ісламская дзяржава» ўпершыню пацьвердзіла сьмерць былога лідэра Абу Бакра аль-Багдадзі. Пра ягоную гібель гаворыцца ў паведамленьні блізкага да ІД інфармацыйнага агенцтва Amaq.
Пра сьмерць лідэра групоўкі «Ісламская дзяржава» Абу Бакра аль-Багдадзі ў выніку спэцапэрацыі амэрыканскіх войскаў прэзыдэнт ЗША паведаміў 27 кастрычніка.
Абу Бакр аль-Багдадзі амаль 20 гадоў знаходзіўся ў сьпісе тэрарыстаў, якія адшукваюцца спэцслужбамі ЗША. Да таго, як стаць на чале «Ісламскай дзяржавы», ён быў удзельнікам «Аль-Каіды», а таксама ў радзе па шарыяце «Дарадчага сходу маджахедаў у Іраку», галаўной арганізацыі шасьці паўстанцкіх ваенізаваных груповак, якая змагалася супраць ЗША.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў