Лінкі ўнівэрсальнага доступу

1,3 тысяч аўтамабіляў у чарзе на мяжы з Польшчай і Літвой. У Беларусі пачаліся доўгія выходныя


Чарга на мяжы. Ілюстрацыйнае фота.

На мяжы з Польшчай і Літвой выезду зь Беларусі ў першы дзень доўгіх лістападаўскіх выхадных чакаюць каля 1,3 тысяч легкавых аўтамабіляў, паведамляе БелаПАН.

Паводле дадзеных Дзяржаўнага памежнага камітэту Беларусі, на мяжы з Літвой выезду зь Беларусі на 13 гадзін 7 лістапада чакалі больш за 560 машын.

Больш за ўсё легкавых аўто знаходзілася ў пункце пропуску «Беняконі» — больш за 200. У пункце пропуску «Каменны Лог» на ўказаны час у чарзе было больш за 120 машын, «Лоша» — больш за 120, «Прывалка» — больш за 80, «Катлоўка» — больш за 40.

Выезду ў Польшчу на мяжы зь Беларусьсю на 13 гадзін ва ўсіх пунктах пропуску чакалі больш за 720 легкавых аўтамабіляў, больш за ўсё ў пункце пропуску «Брузгі» — больш за 250. У пункце пропуску «Брэст» — 160, «Бераставіца» — больш за 130, «Пясчатка» — больш за 120, «Дамачава» — больш за 60.

Пры гэтым у Латвію выезду на 13 гадзін чакалі больш за 40 аўтамабіляў. На выезд ва Украіну сваёй чаргі чакалі больш за 80 аўтамабіляў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG