Лінкі ўнівэрсальнага доступу

Намесьнік дзяржсакратара ЗША Дэвід Гэйл наведае Беларусь 17 верасьня


Намесьнік Дзяржаўнага сакратара ЗША па палітычных справах Дэвід Гэйл

Візыт у Беларусь намесьніка Дзяржаўнага сакратара ЗША па палітычных справах Дэвіда Гэйла чакаецца 17 верасьня, паведамляе БелТА.

Гэтую інфармацыю пацьвердзіў прэс-сакратар МЗС Беларусі Анатоль Глаз.

«Праграмаю знаходжаньня заплянаваныя сустрэча Дэвіда Гэйла на вышэйшым узроўні і перамовы зь міністрам замежных спраў Уладзімірам Макеем. Бакі абмяркуюць пытаньні беларуска-амэрыканскіх адносін і рэгіянальнай бясьпекі», — заявіў Аляксандр Глаз.​

А нядаўна быў Болтан

29 жніўня Беларусь наведаў дарадца прэзыдэнта ЗША ў нацыянальнай бясьпецы Джон Болтан — самы высокапастаўлены прадстаўнік амэрыканскіх уладаў з усіх, якія пабывалі ў краіне за апошнія 20 гадоў.

Болтан сустрэўся з Аляксандрам Лукашэнкам і падчас сустрэчы заявіў, што Вашынгтон спадзяецца знайсьці агульную мову зь Менскам у пытаньнях выкананьня правоў чалавека і нераспаўсюджаньня зброі. Аляксандр Лукашэнка адзначыў, што Беларусь заўсёды выступала за нармалізацыю дачыненьняў з ЗША і хоча пачаць з чыстага аркуша.

Неўзабаве Болтан у Варшаве сустрэўся з сакратаром Савету бясьпекі Беларусі. Той пасьля сустрэчы казаў, што яны «не плялі інтрыгаў», а Беларусь застаецца саюзьнікам Расеі.

Беларускія ўлады некалькі раз прасілі «ня строіць кансьпіралягічных тэорыяў» адносна сустрэчаў з Болтанам. Празь менш як два тыдні пасьля візыту прэзыдэнт ЗША Дональд Трамп звольніў Болтана.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG