Лінкі ўнівэрсальнага доступу

Twitter забаніў кампартыю Кубы і Рауля Кастра


Рауль Кастра, архіўнае фота

Адміністрацыя сацыяльнай сеткі Twitter заблякавала афіцыйныя акаўнты Камуністычнай партыі Кубы і ейнага лідэра, былога кіраўніка дзяржавы Рауля Кастра, піша Reurets.

Таксама заблякавалі дачку Рауля Марыелу Кастра — лідэрку Нацыянальнага цэнтру сэксуальнага выхаваньня Кубы.

Прадстаўнік Twitter зьвязаў блякаваньне з палітыкай сацсеткі супраць маніпуляваньня грамадзкай думкай і ўвядзеньня ў зман празь сетку акаўнтаў. Блякаваньне адбылося пасьля звароту да нацыі кіраўніка Кубы Мігеля Дыяса-Канэля, у якім той заявіў пра насоўваньне энэргетычнага крызісу праз санкцыі ЗША.

Міністэрства замежных справаў Кубы крытыкавала ў Twitter (гэты акаўнт не блякавалі) ранейшыя блякаваньні кубінскіх СМІ. Баны акаўнтаў Кастра і кампартыі ў МЗС Кубы назвалі «відавочнай узгодненай апэрацыяй з мэтай абмежаваць заявы рэвалюцыянэраў у абарону праўды».

Кубінска-амэрыканская мастачка Кока Фуска ж пасьмяялася: «Цэнзараў зацэнзуравалі!». Кубу звычайна ставяць у канец рэйтынгаў у свабодзе слова і прэсы. У нядаўнім топе краінаў з самай жорсткай цэнзурай Куба толькі на адну пазыцыю абагнала Беларусь.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG